tag:blogger.com,1999:blog-6123437864570449473.post1271634343848505843..comments2024-02-21T00:43:02.698-08:00Comments on Nocturnal Thoughts أفكار ليلية: تقييم للوضع في إيران: تقرير إيلاف... و مقال عن حدود سلطة المرشدTarek طارقhttp://www.blogger.com/profile/16379082154205962504noreply@blogger.comBlogger2125tag:blogger.com,1999:blog-6123437864570449473.post-83028173123703216202009-06-23T03:37:51.184-07:002009-06-23T03:37:51.184-07:00يعطيك الصحة يا طارق على التحاليل الجدية خاصة وأننا...يعطيك الصحة يا طارق على التحاليل الجدية خاصة وأننا ما ريناش على المدونات التونسية كتابات على ذات المستوى في خصوص الأحداث في إيران.<br><br>أهم نقطة تعرضتلها وأنا موافقك فيها ميا بالميا هي تعقيد المشهد في إيران وخاصة إلي الاستابليشمنت الديني ماهوش كتلة واحدة متوافقة.<br>حسب رايي إلي صاير توا هو تصادم بين رؤيتين في الاستبليشمنت هذا حول معادلة حساسة قايم عليها النظام الإيراني إلي هي واضحة حتى في مصطلح "الجمهورية / الاسلامية". <br>من جهة عندنا ما يسمى بالمحافظين إلي يرجحو اكثر مسألة المشروعية الدينية ومؤخرا ولاو يشوفو إلي النظام ينجم يتخلى إلى درجة ما عن قاعدتو الجمهورية لتحقيق أهدافو (بقاء النظام الاسلامي)وهوني نلقاو عباد كيما خامناي وجنّتي ويزدي ومرشحهم للانتخابات احمدي نجاد. الجماعة هذوما مقتنعين أنو ينجموا يستعملو وسائل خايبة من وجهة نظر دينية (تزوير انتخابات مثلا إلي هي خيانة امانة كيما قالو العديد من المراجع)باش يحققوا أهداف باهية من وجهة نظر دينية (تواصل المشروعية الدينية كمصدر اول للحكم). يعني في الاخر يتوجهو اكثر إلى نظام من نوع حكومة اسلامية في عوض جمهورية اسلامية. <br>من جهة أخرى فما شكون يرجح الكفة للمشروعية الديموقراطية (جمهورية حتى وان كانت اسلامية) قبل كل شي (رغم علوية الشأن الديني والي مكرس في الدستور الإيراني وفي الممارسة داخل المؤسسات)ويقولو إلي الاستماع إلى مطالب الشعب في خصوص الممارسة الديموقراطية والحريات العامة وحقوق الانسان واجب عندوا حتى مبررات دينية. هوني نرقاو جماعة كيما خاتمي ورفسنجاني وموسوي وخاصة كروبي الذي هو الأكثر ليبرالية فيهم الكل في مسائل الحريات والحقوق.<br><br>االزوز توجهات يتشاركو في رجوعهم لمبادئ الثورة ولمبدئ الجمهورية / الاسلامية باش يبررو مواقفهم.<br>لكن من نفس المنطلق فما تفسيرات متباينة وهذاكا علاش إلي يقولو المرشحين الكل كيف كيف خاطرالكلهم مالاستبلشمنت غالطين ميا بالميا.<br><br>توا بالنسبة إلى مسالة تزوير الانتخابات من عدمها، انت قلت إلي فما جماعة يعتمدو كان على مصادر معينة ويطفيو المصادر الأخرى. لكن انت عملت كيفهم واتوجهت إلى تصديق المصادر الي تقول بأن الانتخابات كانت نتيجتها صحيحة دون غيرها.<br>إلي اعتبرتو انتي اختلالات في سير الانتخابات لا يمكن أن تؤثر بشكل حاسم على النتيجة النهائية هي جاية من قراءات في النتائج الرسمية وهي مجرد مؤشرات على فشل محاولة تغطية التزوير من الجهات الي قامت بيه. لأنو النتائج الرسمية غالطة ومزورة مالمان.<br>المشكلة كانت في عملية التصويت التي ما تمتش مراقبتها في جميع مراحلهاانطلاقا من ختم الصناديق الفارغة إلى سير التصويت إلى حساب الأصوات على خاطر ما خلاوش مراقبي المعارضة يشرفو عليها. بالطبيعة هكاكا ينجمو يخرّجوا إلي يحبو من صناديق الاقتراع. وتصبح إي منازعة للنتائج الرسمية غير مجدية. <br>ورغم ذلك تنجم تشوف التقرير هذا من ثينك تانك بريطاني محترم يوري إلي النتائج الرسمية هذيكة من شبه المستحيل انها تعكس القاعدة الانتخابية للمترشحين http://www.chathamhouse.org.uk/files/14234_iranelection0609.pdf<br><br>من ناحية شخصية عندي شوة معرفة بإيران ومتأكد إلي موش ممكن بعد فترة الحكم الكارثية الأولى متاعو يعاودو ينتخبو احمدي نجاد بثلثي الأصوات. <br><br>ملاحظة تقنية اخيرة مجلس الخبراء هو إلي يعين المرشد كيما يراقبو وينجم يعزلو موش مجلس صيانة الدستور حسبما ذكرت.<br><br>مع الشكر مجددا على الطرح الجدي للموضوع.<br><br>مالك.http://www.blogger.com/profile/07042930553967315863noreply@blogger.comtag:blogger.com,1999:blog-6123437864570449473.post-21070102383122630522009-06-26T23:55:28.723-07:002009-06-26T23:55:28.723-07:00مالك مرحبا بك... عذرا على تأخر الرد حيث لم أعد أزو...مالك مرحبا بك... عذرا على تأخر الرد حيث لم أعد أزور المدونة بشكل منتظم مثلما كان الحال فيما قبل<br><br>بالنسبة للتزوير صحيح ممكن أكدت النتائج على خاطر اعتمدت مقال ليفريت لكن صحيح أنو الطرف المحتج ما قدمش حتى الآن معطيات دقيقة و متكاملة على الموضوع... قالو بش يصدرو تقرير الاسبوع هذا لكن ما أصدروش... تقرير بيت شاثام تحدثت عليه في صفحتي في فايسبوك فور نشرو... ما يعتمدش على معطكيات من الميدان و لكن على قراءة "منطقية" للأرقام... و فمة انتقادات ليه بما في ذلك من ليفريت<br><br>أنا يظهرلي موضوع التزوير مش ممكن حسمو.. و أنو مسألة ثانوية.. سواء كانو مؤيدي موسوي أقل أو أكثر من مؤيدي نجاد مسألة ثانوية... الواضح و الاهم أن المحتجين خاصة في الايام لولة كان عددهم كبير و مثابرتهم مثيرة للاهتمام... و هذية الاهمية السياسية حسب رايي هي المؤشر الرئيس في تقييم وزن الاحتجاج... <br><br>لأنو ما فمة حتى حركة سياسية يعني الناس إلي ماركسة العمل السياسي المباشر مثلت أغلبية المجتمع... كل الانتفاضات و الاحتجاجات عبر التاريخ كانت دائما تمثل أقلية ناشطة و قوية في المجتمع... ثقل حركتها السياسية و ليس نسبتها المئوية في المجتمع هو الأهم<br><br>لكن عموما المؤشرات توة هو أن الاحتجاجات ماشية و تنقص هذا إذا ما انتهاتش على الاقل في المرحلة الارهنةTarek طارقhttp://www.blogger.com/profile/16379082154205962504noreply@blogger.com