"الأرجنتين" و الفن الكروي

الحقيقة مش مستانس نحكي برشة على الكورة، خاصة بالنسبة للتدوين في تونس هذاية الدومان متاع سي "الشيشة الذهبية"، لكن البارح تفرجت في مقابلة من أحسن المقابلات... عادة قلت يلزمني نحكي و نعبر على رايي خاصة إلي الدنيا فيها الموت و زيد دخلنا عصر جديد متع "حرية التعبير" مبعد "ثورة الفاتح من يوليو المجيدة"... البارح شوفت فن كروي من أعلى طراز ينطق الحجر... "الأرجنتين" ضد "كولومبيا" في "كوبا أمريكا"... الحقيقة "الأرجنتين" عملت البارح درس في كرة القدم الجميلة و الناجعة و إلي تذكر خاصة بكرة القدم الرائعة متاع السبعينات و الثمانينات.... تمريرات صحيحة و هادية في جرت بعضها... و اللاعبين متاع "كولومبيا" ما نجمو يعملو حتى شي قعدو يتفرجو كيف بقية المتفرجين... نتمنى أن الفرق التونسية إل كل تبطل التمارين نهار... و يحطوهم قدام التلفزة و يتفرجو هوما و المدربين و المسهولين، في المقابلة متاع البارح... خاصة إلي المنتخب الوطني التونسي كان بارع في الأسلوب هذاية متاع الكرة المفتوحة... إلي هي عكس "الكرة متاع التعصبين" و الحقنة السريعة إلي نشوف فيه في أغلب الملاعب

خسارة اللقطات إلي لقيتهم في الانترنت يعديو الأهداف فقط و ما يعديوش اللقطات إلي حاجتي بيهم