الثلاثاء، أفريل 22، 2008

الانتخابات اليوم في بنسلفانيا

اليوم الانتخابات في بنسلفانيا و كيفما هو متوقع فإنو هيلاري بش "تربح" عدد الأصوات... لكن طبعا كيف العادة التوزيع النسبي يخلي عدد المندوبين أهم من "عدد الأصوات" و بالتالي فإنو الإشكالية قداش بش "تربح" فرق في النسبة المئوية... المراقبين يقولو لهنا إلي إذا كان ربحت بأكثر من عشرة في الميا فإنو هذا بش يرجعلها الثقة و تنافس حتاش للنهاية... لكن كيفما قلت قبل من المستحيل حسابيا أنها تربح أوباما في ظل الظروف الراهنة (هنا بالنسبة للأرقام حتاش لتوة) و هذاكة من الأسباب علاش قلت و نعاود أني نميل للتكهن بأنو أوباما في لاخر بش يربح في الانتخابات التمهيدية في الحزب الديمقراطي (هنا).... عادة البارح و اليوم كثر الدهك لهنا في فيلادلفيا و جماعة هيلاري عاملين برشة عرعور.. البارح خاصة في الجامعة عملو شوهة و جات هي و بنتها و بيل كلنتون 



أما الحقيقة ماعادش نحس روحي مرتاح في أجواء العرعور.. و كنت مزروب نحب نروح للدار بش ما نحضرش... يعني حتى كان جا أوباما ماظهرلي كان بش نمشي نحضر... لكن تقعد أجواء انتخابية فيها منافسة حقيقية... إلي هي حاجة مهمة برشة

1 التعليقات:

mandela يقول...

ثلاثة حصص جديدة لقناة الحوار التونسي
جاهزة للتتنزيل أو التليشارجمون كيما تحبو
http://www.arcoiris.tv/modules.php?op=modload&name=Downloads&d_op=viewdownload&cid=1045