السبت، ديسمبر 29، 2007

مرة أخرى ضجة حول كليب فيديو تعذيب مصري في مدونة وائل عباس

البارح بركة عرفت إلي المدون المصري وائل عباس إلي تشهر بفضح ممارسات الشرطة المصرية في تعذيب مواطنين مصريين نشر فيديو جديد: فمة شكوك إلي فيه ضابط شرطة متاع "الآداب" يعري في طفلة بش يتهمها بالدعارة (هنا)... وائل عباس نشر قبل برشة فيديوات و عمل ضجة و ثبت صحتها كيف قضية عماد الكبير إلي وصلت للمحاكم و تحكم على الضابط إلي عذب بالسجن... على كل حال المدون وائل عباس من أكثر المدونين تأثير في المجال العربي من خلال المدونة متاعو يظهر في برامج تلفزية بشكل دوري و حصل على جائزة كبيرة في أمريكا متاع صحافة (هنا)... المصيبة في الموضوع هذاية هو إصرار إلي يمارسو تعذيب سواء رسمي و إلا مش رسمي على تصوير فضاعات كيف هكة... من غير ما يخافو من أنهم بش يتفضحو كيف الصحايا متاعهم...

3 التعليقات:

3amrouch يقول...

طارق
بعثتلك ايميل على عنوان رديون وهاني نستنى في الرد.

Tarek طارق يقول...

عمروش... مافماش رسالة من عندك على ايمايل رديون... متأكد إلي استعملت الايمايل الصحيح؟ على خاطر تبدل الجمعة إلي فاتت
radyountunis@gmail.com

Werewolf يقول...

في الحقيقة سئلوه وائل في برشة برامج على النقطة هاذي اللي هي كيفاش يتجرؤوا و يصوروا الجرائم متاعهم ياخي قاللهم اللي هوما يتباهاوا بالشي هذا و يقوموا بنشر الفيديوهات في الحارات باش يزيدوا يخوفوا الناس و ورّيوهم شنوة يستنى فيهم...و لو أنه المدونة متاعو أكثرها أشياء مؤسفة لكن أنا ديمة نشيخ على الاقرار اللي عاملو...
هنا