تدوينة حمراء
تفاعلا مع مبادرة الصديق محافظ النورمال لاند (هنا)... في إنتظار مبادرات أخرى... مثل مدونة-مرصد للأخبار (يؤسسها مدونون من الجهة التي تفتقد على حد علمي للمدونين) للتدقيق فيها و المساهمة في إيصال المعلومة عما يحدث
السبت، جوان 07، 2008
الاشتراك في:
تعليقات الرسالة (Atom)
8 التعليقات:
طارق، هذا اول تعليق في المدونة الي تعجبني عادة. لكن نستسمحك بش نلوم علا حاجة ما عجبتنيش و يمكن انا غالط حتى لين تعمل تدوينة "معمقة". اللوم متاعي يتعلق بالتحامل متاعك على الصحافة من غير ما تحكي على لب الموضوع. يعني حسب رأي المتوتواضع الصحافة مشكل ثانوي, هذا كان موش اكثر. كنت نتمني لو تحكي على المشاكل الجذرية في المنطقة موش على كيفية نقل الاحداث. حسب ما فهمت, يمكن اتجهاتك السياسية تختلف مع اتجهات النقابيين و الناس الي تنقل في الخبر من الحوض. يمكن زادة فما صنصرة ذاتية...
عفوا, كنت نتمنا نتدخل في موضوع اخر...
شكرا على المدونة الهايلة و نتمني توضح في تدوينة "معمقة" كيف ما سبقت و قلت.
تحياتي.
osbor ya mornagui haw jayek lahdith...
J'espère! car ce blog, radyoun, et quelques rares blogs proposent généralement des analyses sérieuses de l'actualité. Vivement un débat sérieux sur radyoun ou un billet de Tarek sur le sujet.
Amicalement.
أهلاً طارق،
بالنسبة للمدونة-مرصد للأخبار، نقترح تكون عامة وغير مقتصرة على جهة بعينها، فماشي ما تساهم في نقل الخبر والحد من الإشاعات اللي منتشرة في بلادنا إنتشار النار في الهشيم.
بالمناسبة، هاني أخيراً حليت مدونة...
http://terminux.blogspot.com
مرناقي... مرحبا بيك لهنا و في رديون... بالنسبة لحوار رديون الأخير.. هذيكة كانت حلقة أولى فقط لأنو موضوع الإعلام جزء مهم برشة في رايي في الأزمة.... التعتيم أو التسييس المبالغ فيه قاعدين يعرقلو في حل الأزمة... و بالطبيعة بش نعملو حلقات أخرى ليامات هذية على الموضوع و في علاقة بالأزمة ذاتها و ندعوك أنك تشارك معانا (أبعث للإيمايل متاع رديون)... بالنسبة للقيادات النقابية إلي مشاركين مواطنين جهتهم في التحركات... بالعكس لاحظت أنهم معتدلين و ألوانهم السياسية مش بارزة برشة في كلامهم... و حتى كان الوضع العكس فإنو مش هذاكة إلي يخليني نركز على الإعلام... كل ما في الأمر أنو القيادات النقابية هذيكة و غيرهم من الأطراف السياسية مش هي من المفروض تلعب دور الإعلام.... لأنو طبيعي بش ما يكونوش موضوعيين... و هذا ما يعنيش أنهم يكذبو بالضرورة... ببساطة فمة حاجة ناقصة إلي هي إعلام مستقل مهني... و هذية مش مشكلة خاصة بأحداث قفصة أكهو
بشير.... أية مبروك علينا الكل... هاني خليت تعليق في المدونة... بالنسبة لمدونة مرصد الأخبار طبعا من المفروض يشاركو فيها بقية المدونين... فقط بما أنو حدث الساعة توة هو قفصة ركزت عليها... خاصة أنو شي يبعث على الحيرة أنو ما فماش مدونين من جهة قفصة بالرغم إلي فمة مدونين من جهات قريبة ليها كيف دوز مثلا
@ Tarek: Merci pour l'invitation, mais je ne suis pas sûr de participer pour des raisons professionnelles. Désolé. Je peux par contre participer au débat sur le blog. A+
أهلا ددو وينك... إي في بالي
إرسال تعليق