التدوينة الحمراء في صحيفة "العرب" القطرية
الصديقة الصحفية المصرية نهى عاطف ولات مهتمة بشكل خاص بما يجري في المدونات التونسية من خلال عمودها الأسبوعي إلي يتنشر كل نهار ثلثاء في صحيفة "العرب" القطرية... بعد اهتمامها بعلاقة الفصحى و العامية (هنا) خرجت المرة لخرة (نهار الثلثاء إلي فات) مقال خاص حول يوم التدوينة الحمراء (ص 28 هنا)... بون ربما ما نمشيش إلى حد العناوين متاع "إنتفاضة" و "القمع" و غيرها (و زيد بعض الأخطاء كيف مثلا "مقتل هشام" بعد "مقتل الحفناوي"...) أما يظهرلي أسلوب التدوينات الجماعية جلب بعض الإنتباه بمعزل عن مدى تأثيرو الفعلي
2 التعليقات:
اخي الكريم طارق , هل بالامكان ان تمنحني اميل الصحفية المصرية التي كتبت المقال حول التدوينة الحمراءلانها تضمنت اخطاء فادحة عن مدونتي صامد
مع الشكر سلفا ومقدما
محمد العيادي
مدونة صامد
الأخ محمد... بعثتلك عنوان نهى انشالله يكون وصلك... بالرغم إلي فمة بعض الأخطاء إلي أني ما نراش أنو يمكن وصفها بأنها "فادحة"... يعني خطأ إسم مدونتك ممكن يحصل بما أنو يظهرلي عندك زوز مدونات... و فعلا مدونتك إلي في موقع "روتوش" عنوانها مش واضح... على كل... تقرير نهى حاول إجمالا التجول عبر مجمل المدونات لأخذ فكرة على ما يحصل
إرسال تعليق