الاثنين، سبتمبر 24، 2007

أخيرا: خط جوي مباشر مونتريال/نيويورك-تونس... و ملاحظة أخرى لخونا حسين موحد أمة المدونين

أخيرا وزارة النقل التونسية نجحت بش تنظم رحلات جوية مباشرة بين تونس و مدن في أمريكا الشمالية (تحديدا مدن مونتريال و تورونتو بالنسبة للمقيمين في كندا و أيضا نيويورك بالنسبة للمقيمين في أمريكا) صحيح أنو يبدو أن الرحلات بش تكون غير منتظمة يعني بالعربي شارتار لكن خير من بلاش. الرحلات حسب جريدة الصباح الاسبوعي بش تبدى في شهر مارس 2008 على أقصى تقدير و من الممكن توصل لثلاثة رحلات في الأسبوع يعني هذاية ممكن يحصل خاصة في الصيف.. الشركة إلي تعاقدت مع وزارة النقل (النطق متاع الصباح الاسبوعي لاسم الشركة هكاكة و برة كيف عادة الصحف التونسية مع الأسماء الانجليزية، النطق الصحيح: "نورذرن لايتس ايرلاينز") مازال كي وقع تأسيسها من جديد بعد ما شرات أسهمها أحد البنوك الكندية و ماشراتش حتى الطيارات لتوة.. المفاوضات بيناتهم و وزارة النقل كانت سرية برشة في افريل حسب التقرير الاخباري هذاية و لكن يظهر انو هذاكة كان سبب بش بنكة كبيرة تشري الاسهم متاعهم... و حسب بعض منتديات المختصة في شركات الطيران فإنو كانت عندها تجربة فاشلة في السابق في كندا... على كل نتمنى إلي المرة هذية أمورها تمشي و ما تعطلناش... طبعا افتتاح الخط هذاية بش يسهل برشة تنقل المقيمين التوانسة في أمريكا الشمالية و زيد بش يسهل تنقل السواح خاصة إلي كندا فيها أقلية كبيرة تتكلم الفرنسية و إلي بش تكون هدف بديهي للتسويق السياحي الخاص بتونس

هذاية خبر الأكيد بش يفرح برشة ناس إذا من المدونين المقيمين بما فيهم أنا و كذلك خونا حسين "موحد أمة المدونين" المقيم في كندا... و إلي نحب نشكرو بالمناسبة على تفاعلو مع تدوينتي إلي فاتت و إضافتو لمدونات صديقة حبيت نلفت الانتباه ليها على قائمة "تن-بلوقس" و بما أننا مازلنا في هل الشهر الفضيل و بما أن زيادة الخير ما فيها باس فإني حبيت نلفت الانتباه لمدونة قديمة و لكن ما وقعش إضافتها لقائمة "تن-بلوقس" و هي متاع غسان "النسر الأكحل" و إلي زادة هو ولا من المقيمين في كندا و بش يفرح زادة بالخط الجوي الجديد... أي خونا حسين إنتي صرف صرفت

12 التعليقات:

samsoum يقول...

و الله كتقعد وحّدها هالشّركة ما نطلع في طيّارة من طيّاراتهم, قالّوا طيران الأضواء الشّماليّة :)) تي أنا ساوثواست و نورثواست و جات بلو ما ندورش بيهم خلّي باش ناخذ طيّارة بودور
لا يا خويا , وقفة في لندن، فرنكفورت، باريس ولاّ حتّى روما ولا نركب في طيّارة اكازيون

Sara يقول...

Tout à fait d'accord avec Samsoum. Ki na3ref nékhédh-ha 3oumen 3alantlantique ouélé nerkib fi tayaret-hom.
Ok eloué7ed maymout ken eb3omrou ama zéda mé yemchiche lel blé bsa9ih :)))

Löwe يقول...

Northern Lights ?! First time ever heard of that airline !!! I'll try to collect info about it...

@ Samsoum; Northwest isn't a LCC so why not flying with ?

Löwe يقول...

Vite vite de retour !

www.northerlightsairlines.com

Mon blog est mieux aménagé que ça !!!

Cliquez sur "Come Fly" et vous allez trouver une photo piquée ou mandatée de l'incontournable ( pour les passionnés) Airliners.Net prise par Darren Wilson. La photo présente la cabine Star Class d'un B767 First Choice Airline (UK). Bon, ils annoncent qu'ils vont opérer avec trois B767, ce qui est pas mal du tout.

Mais bon... 7keya 7oula chwaya...

samsoum يقول...

@Lowe: It is not an LCC but I prefer always going with bigger companies like United or American or major European companies.

Tarek طارق يقول...

ربي يهديكم يا جماعة و برة تحكمو عليها من توة... ماهو خلي حتى نشوفو... بالمناسبة سمسوم تعرف أنا يظهرلي إلي الشركات الكبيرة في أمريكا خدماتها أخيب من الصغير و بالطبيعة أغلي خاصة كي نقارن مثلا ساثوواست بأمركان ايروايز... سارة تضربها عومان ضربة وحدة..
((:
شكرا يا لوي على الرابط... صحيح الموقع متاعهم ما يبشرش بالخير... زادة ما يعرفوش تونس ويين... أمالا شكون بش يعرف
Quote:
Northern Lights Airlines will serve the significant, but underserved southern European markets of Tunisia , Athens, Rome, Lisbon, Madrid

Löwe يقول...

Ech 5ass eyemna ken jina bel mjad fi Southern Europe !!!

Tarek طارق يقول...

تصحيح في الرابط يا لوو ناقص "ن" هنا
www.northernlightsairlines.com

Clandestino يقول...

:))))
للجماعة اللي مش عاجبتهم الطيارات متاع الاضواء الشمالية
انا يا سيدي اعطيوني ندبّر بلاصة بركة
انشالله في السوت متاع الباقاج

يا خي باش تتطلع اذرح من الكار الصفرة و الا من التران متاع البنليو

Clandestino يقول...

ملاحظة تقنية:
خويا طارق شوفلنا حل في النوافذ بوب آب اللي يتحلو وحدهم وقت اللي ندخل للمدونة و ساعات يجي معاهم انذار متاع تروجان هورس (حصان طروادة)
الحكاية مقلقة شوية و تخلي الواحد يتجنب الدخول للمدونة و الاكتفاء بالقراءة مباشرة من صفحة
tn-blogs

Tarek طارق يقول...

حاضر يا سي كلاندو أتوة نشوف شنية الحكاية... بالرغم إلي نحيت الكومبتور القديم إلي كان عامل مشاكل

Legend Of The Fall يقول...

@all: why you are judging the company before getting more info? I am happy for hearing this news but I believe that it will be more interesting if Tunisair leases or purchases new aircrafts to cross the atlantic. We do not need a jumbo jet 747, a 767 or even an Airbus A310 Intercontinental is enough to link Tunis with Montreal, Toronto and New York with only 200 to 300 seats. Any way, I will tell you a nice joke. Sure that many of you know that the american carriers do not present a lunch or a dinner during the domestic flights. They offer something to eat but for money except some peanuts, juice & cola which are for free. Even the headphone you shall pay for it. Any way, I was sitting close to an Emirati friends when the hostess was bringing headphones. He asked her for one when she replied: it is for 5 dollars sir. He turned to me asking what did she says ("Ech gualat?), I replied: it is for 5 dollars. it is for rent. he then dismissed her by his hands saying "la..la..ma ibi..ma ibi..(i do not need anymore). Any way I enjoyed my flights with US Airways and United.