الثلاثاء، ديسمبر 11، 2007

التدوين الصوتي... و إذاعة تونسية جديدة... في الانترنت

توة فمة أشهر وليت مهتم برشة بموضوع إذاعات الانترنت.. المسألة بدات بالتدوين الصوتي و بالشوية بالشوية بديت نكتشف في مواقع خاصة بالتدوين الصوتي... و إمكانية تطوير التدوين الصوتي من تجربة فردية الى تجربة جماعية... و هكاكة قمت مع أصدقاء مدونين بتأسيس موقع سميناه "رديون" (هنا) و إلي من المفترض بش نطوروه في الأسابيع القادمة... و

فمة زادة مشروع تأسيس إذاعة في الانترنت... و هي حاجة منتشرة في مختلف أنحاء العالم توة و ماهياش صعيبة برشة... في الإطار هذاية علمت اليوم إلي فمة شكون قام بتأسيس إذاعة تونسية في الانترنت بمناسبة 10 ديسبمر الإعلان العالمي لحقوق الانسان اسمها "تونس 6" (هنا)... و لو أنو هذية مش أول إذاعة تونسية تبث بشكل حصري في الانترنت لأنو فمة إذاعات سابقة (مثلا إذاعة "تونس بلادي" هنا)... زادة إذاعة "تونس 6" يظهر مازالت في مرحلة التجربة (بما أنو تبث كان الأغاني في الوقت الراهن) لكن هذية عموما مبادرات إيجابية من المفروض تثري المشهد السمعي في تونس

8 التعليقات:

Big Trap Boy يقول...

مبادرة ممتازة، يعطيكم الصحة، هاني نستنا في البث المباشر بفارغ الصبر


المعلق السابق بالله علاش التشوليح؟ لازم منو زعمة؟؟

Tarek طارق يقول...

لا المباشر مازال بكري برشة عليه... هانا بش نحاولو نسجلو برامج حوارية و مبعد يعمل ربي...
بالنسبة للمعلق الأول الوسخة فسختو... العافن هذاية توة المرة الثانية يخلي تعليق كيف هكة...

Werewolf يقول...

و لو أني ما نحبش الموديراسيون آما يظهرلي فيها الحل الوحيد لمقاومة هالراكاي بأتم معنى الكلمة على الأقل احتراما لبقية المدوّنين.
ا

Tarek طارق يقول...

ويووولف... أبعثلي إيمايل.. دخلت على الصفحة متاعك ما نجمتش نلقى الإيمايل متاعك

Werewolf يقول...

أنا زادة ماعنديش العنوان متاعك أهوكا كتبتهولك في رسالة شخصية على مايبلوقلوق

Walid ben omrane يقول...

Bonne initiative peux tu juste m'expliquer d'avantage le principe par un post ou par un mail? Peut on aussi y participer à une telle initiative?. J'ai lu l'anerie effacé En tout cas la caravane avance et les chiens aboient...

Tarek طارق يقول...

وييروولف ما عادش ندخل على مابلوق لوق... الباسوورد ضاع بعد ا فورماتيت الكمبيوتر... على كل حال هاو الإيمايل متاعي
tkahlaoui@gmail.com

وليد المبدأ ساهل يكفي أنك تكون عضو و تنجم تقوم بالتدوين بشكل مباشر و فردي... بش نعملو قعدات حوارية ونسجلوها... زادة... تحربة بدائية.. أما خطوة أولى

Werewolf يقول...

Mail envoyé