المدونات التونسية و ظاهرة الإشهار: نحكي و إلا مانحكيش
هذاية موضوع حساس بعض الشي يظهرلي هذاكة علاش تلقاني متردد "نحكي" و إلا "مانحكيش".. موضوع علاقة المدونات التونسية بحملات إشهارية و إلي هو موضوع شفت عليه في الايامات لخرة بعض المؤشرات من خلال المدونات التونسية و الزوز حملات إلي تحت عنوان "نحكي" و "مانحكيش" (صفوان حكى هنا على الموضوع).... الحقيقة ما كنتش منتبه للظاهرة هذية إلا توة أشهر لتالي في حديث عابر مع مدون تونسي قديم في الميدان و نثق عموما في كلامو قدملي صورة للفضاء المدوناتي التونسي ماعمرها ماجات على بالي: قالك "خمسين في الميا" (يظهرلي فمة شوية مبالغة لهنا) من المدونات موجودة للدفع بأجندات إشهارية متاع زوز شركات تعمل في ميدان الإشهار... يعني بلغة أخرى تظهر مدونة عادية لكنها في الحقيقة تروج لحملات إشهارية و إلا وكالات إشهارية معينة... وقتها كانت المناسبة سؤال سئلو "حسين" يستفسر فيه المدونين على السماح لمدونات متاع "بزنس" للتواجد بمقابل في "تن-بلوغس"... على كل حال أنا ما نحبذش نظريات المؤامرة أما نعرف و نتوقع (من كثرة كثافة و شراسة الاشهار لهنا) أنو فمة تقاليد جديدة متاع إشهار انتقلت لتونس بما فيها استعمال المدونات و الفضاءات التدوينية لممارسة الإشهار... الحاجة إلي تقلقني أنا في أي إشهار هو عدم التظاهر بالإشهار للقيام بالإشهار... مانعرفش ممكن بعض المدونين من أصدقائنا إلي ناثقو فيهم و قريبين من الميدان كيف راديو نجوي و صفوان ينورونا... على خاطر هذاية يظهر فيه كيف "الفيل الذي في الغرفة" يعني الموضوع الكبير إلي نعرفوه موجود بيناتنا كمدونين لكن حتى حد مايحكي عليه...
11 التعليقات:
Je suis vraiment surpris par ce que tu dis, j'espere que c'est pas vrai!!
موضوع باهي برشة هذا يا طارق، والله يعطيك الصحّة إلّي جبدت عليه. أنا مابيناتنا كنت "شامـمها" إلّي فمّا حويجة من النوع هذا، أما قلت لواش قطعان الأرزاق، ياخي هاك هبطت عليهم كيف "الفيسك" ههههه
ربي يهديك سي طارق
هاوكة باش تزيد تركّب تهم على روحك
ربي يستر كان ما تظهرشي حكاية الاشهار من ضمن مقومات العلمانية الحديثة ووقتها كانت تشخر زادت بف.
حاجة بركة، وعلاقة بالموضوع:
لمزيد الفهم، ضرورة البحث في شركات الاشهار هاذي وشركات الارساليلات القصيرة اللي ولات كي البطاطا والعديد منها اللي تدخل تحت صنف المؤسسات العاملة ضمن "قطاع الخدنات الرقمية ذات القيمة المضافة"...
تقولولي البحث في شنوة؟
نقلكم
سامحوني
لهنا بير
il y a une chose qui m'enbete vraiment et que je narrive pas a comprendere.
ces gens la comment ils ont reussis a avoir mon adresse mail ?????
j'ai recu une lettre personnalisé d'un site de ahkil ou je ne sait pas qoui??
parcque faire de la pub sur la blogsphere est une chose et agressé les gens par des mails publicitaires en est une autre.
سمسوم: حتى أنا تفاجءت من الاول أما بعد ما تبعت شنوة قاعد يتنشر بديت نشك الحقيقة... لكني برغم هذاكة نحب راي الناس إلي ربما عندها خبرة بالموضوع
بيغ: ههههه ربي يهديك "الفيسك" ضربة وحدة... و الله بيناتنا حتى أنا مانحبش قطعان الأرزاق... أما زادة ماذابية واحد كي يعمل الاشهار يقول راني نعمل من الاشهار...
فسيفساء: صارة زادة بدات في تونس حملات الاس أم أس الاشهارية
عمروش: و الله أنا ماصارتليش لتوة... أما تعرف مرة جاني إيمايل متاع تونس للاتصالات... قعدت باهت.. أش مدخلني في تونس للاتصلات.. أما نعتقد مش بالضرورة في علاقة بالمدونين.. يعني ينجم فمة شكون يجمع الايمالات إلي نحطوها في المدونات متاعنا و يبيعها لشركات إشهارية... الطريقة هذية متبعة البرة من تونس... يعملو فيها خاصة جماعة أوروبا الشرقية و روسيا
je vais répondre en français donc tarek veuillez m'excusez.
bon pour ma part je travaille dans une agence de communication et en aucun cas on m'a demandé de faire de la pub pour un de nos produits sur mon blog. mais cela n'empeche que les strategies marketing des boites de communications tunisienne incluent depuis un moment la variable "blog". c'est un média crédible qui touche une certaine cible très convoitée donc cela ne me surprend pas que la blogosph-ère soit intéressante pour les publicitaires,
Moi même j'ai fait de la pub sur mon blog pour Nokia tout simplement parce qu'ils ont sponsorisé un concert fait pour les jeunes étudiants et qui permet aux jeunes musiciens tunisiens de présenter leur musique dans de superbes conditions.
donc pour moi cette pub est faite pour la bonne cause et non pas pour un enrichissement personnel ou l'enrichissement d'une quelconque agence de publicité.
mais ce qui est certain c que derrière plusieurs blogs se cachent des publicitaires et hommes de communications c'est un fait.mais je ne pense pas qu'ils ont abusé de la publicité,
mais la force de certains est dans le fait de faire de la pub sans que ce soit flagrant.
c'est la qu'on ne se sent pas offensé par une pub mais inconsciemment le message est passé.
en ce qui concerne les adresses mail, sachez qu'ils sont vendus par des boites spécialisées.
les mails qu'on evoi a tout le monde du style si tu nenvoipa ceci tu sera mangé par un dinosaure, ces mails comprennent une centaine dadresses .
méme le fait de ne pas y repondre fait de ton mail une adresse qui circule vu qu'un de vos contact la envoyé et a fait suivre la chaine.
pour les sms kif kif, les jeux concours ou on rempli la fiche par les numéros de tel et profession et adresse sont une mine d'or pour les publicitaires.
ces fiches permettent de distinguer les différentes CSP et pouvoir tres bien cibler les différentes personnes concernées.
jesper que j'ai été claire et pas trop compliqué.
je suis la en cas de besoin
هيثم يعطيك الصحة... عطيتنا إلي بيه فايدة.. يعني فمة مدونين يقومو بالإشهار من غير ما يشلقو مقابل مدونين أخرين إذا كان يعملوه فإنو هذاكة يصير بشفافية... هذا فرق مهم برشة... مرة أخرى أنا مش ضد الاشهار و المدونات الاشهارية و إلا المدونين إلي يخدمو في الميدان هذاية... فقط نعتقد إلي الشفافية مهمة برشة
الاشهار يا طارق انجّم ياخو برشة أشكال و مايكونش بالضرورة صريح و بطريقة شفافة و كيما تلقى " قُدّم لكم هذا البرنامج بمساهمة فلان" تنجم زادة تلقاه في آخر الجينيريك من نوع "نتوجه بالشكر لفلان و فلان" أنا اللي متأكد منّو اللي ما ثمّاش قطّوس يصطاد الى ربي لكن اللي ما يعجبنيش هو التحيّل و الطرق الملتوية للحصول على العناوين الالكترونية و التحرش اللي يحصل امبعد حتى من نوع "لنحتفل جميعا باليوم العالمي لمنع التدخين."
ا
يا طارق
ماحقكش حكيت عليهم, على خاطر هذاكة الهدف متاع الحملة
انو تتداولها الالسن و تتكتب عليها المقالات و التدوينات و مش مهم الاراء اللي تحملها
هذية رسائل فيروسية يكفي انو الواحد يمسها او يذكرها باش يحصل و يصاب بالعدوى و ينقل المضمون الاشهاري(الفيروس)
انا جاتني عديد الرسائل الالكترونية في الموضوع هذا و كان مصيرها البوبال مباشرة
Les blogs sont devenus un medias tres allechants pour les hommes de communication.
Maintenant l'ethique voudrait
qu'une personne qui communique en contre partie d'une remuneration devrait le mentionner sur son blog.
Ca a commencé par google adscence.
Moi personnellement je n'ai pas ete contactée apr ahkili mais buzz2com en a fait un peu son creneau.
et j'ai ete contactée comme beaucoup d'autres bloggueurs par pro de la com.
Le prinipe est d'inserer des bannières publicitaires de temps en temps (contre remuneration) et-ou de parler de certains produits, tout en precisant dans le texte qu'on en parle suite a une demande de prode la com.
et là encore la transparence est assurée!!!
إرسال تعليق