الخميس، مارس 13، 2008

السقوط إلي لغة "الكلاب" و "وجوه اللوح"... عذرا، لن أنزل إلى هذا المستوى

مرة أخرى و كلما أحاول أن أخطو خطوة و أمد يدي لنقاش متزن و جدي إلا و أجد من قبل البعض إصرارا على الامعان في المضي نحو صراع طرشان بل الأكثر من ذلك لغة تبعث على القرف... بينما كنت بصدد تجميع العناوين الالكترونية للقائمة التي أعددناها للمشاركة في حوار الرديون حول علاقة الدين بالدولة إذ أجد أن أحد الأسماء التي اقترحتها بنفسي للمشاركة برغم انحدار مستوى خطابها في الأيام الأخيرة... أجد أن هذا الشخص ينشر تدوينة كلها غل و حقد و شتائم تكشف عن "حقيقة نواياه" تجاه مفاهيم "الحوار" و "النقاش" و "حرية التعبير" و "احترام الآخر".... و هنا فعلا نحن أمام إزدواجية في الخطاب و في "النوايا"... إذ يتنقل أصحاب هذا الخطاب بسرعة قياسية من تقديس حرية الرأي و احترام الاختلاف مع الآخر و المزايدة على الجميع في ذلك إلى وجه آخر كله استبدادية ينتمي لعصر بائد، عصر الخطاب الستاليني الذي كان يوازي "المخالف في الرأي" بـ"الكلب" (و هي صيغة تحقيرية لحيوان يستحق إحتراما أكثر من ذلك)... المعضلة أن هذا المدون يفتخر بعمره المديد لكن ماذا تعلم من تجربته إذا كان لا يجد ما يساهم به في النقاش حول علاقة الدين بالدولة سوى عبارات مثل "الأحرش" و "الكلاب" و "وجوه اللوح" (بالمناسبة هذه العبارة بالذات ليس من المستحسن أن تصدر من قبل شخص يمكن أن يتعرض لها هو نفسه من زاوية عنصرية و تحقيرية أرفضها أنا نفسي)... أم أن تجربته هي في النهاية تجربة الخطاب الاستبدادي الستاليني و هو العصر الذي ذهب بلا رجعة كما يجب أن يعرف كل من "يدبي على الحصير"؟ إن السبب الأساسي لحاجة الخطاب الستاليني البائد للغة البذيئة هي بناؤه المغلق على نفسه و عجزه عن الشك في مصادراته و بالتالي نفوره البديهي من أي نقاش جدي...

المؤسف أكثر هو توظيف تراثنا و فننا الشعبي في مثل هذه الصراعات الدونكشوتية....

طبعا لن أنزل إلى هذا المستوى البذيئ... و لكن برغم كل ذلك سنواصل النقاش... فإذا كان هناك أمر واضح بالنسبة لي هو أنه بالقدر الذي توجد فيه مثل هذه الأصوات المنفرة و المرتعبة من الحوار توجد أصوات أخرى أكثر إهتماما بالحوار المفتوح و النقاش الجدي... و مع هذه الأصوات سنواصل هذا النقاش

11 التعليقات:

Mantis يقول...

dommage que ca prend une tournure pareille surtout que nous avons appris unplaisirà vous lire.
moi même j'ai eu cette impression d'agressivité et j'ai eu mapart de léçon.
c'est bien de rester humble

Der Kameltreiber, Ladeeni ولد الصحرا يقول...

بالله عندي شؤال يا سي طارق:


كي سي الكلاندستينو كتبت مقامته الحرفة المشومة نتاع رفع شاقين أخت عماد حبيب ما قلت حتى حرف, العكس ورتها لمستشر أمريكي و عملتو عليها جو, أما توا كي وليت إنتا في الموضوع ولت مشكلة


كما تدين تدان

nihru nihru يقول...

wild sa7ra: billahi 3andi suhual 7atta ana... hadha mantik tawwa: wallatchi takattulaat hizbiyya... malla fatwa sa7rawiyya hadhiyya "kama tudinu tudan"... il chlaka azwiw hadha 3andu il 7aq yiqul illi yji madamkum mitafqin?! ma3adich muhim win t7ibbu tuslu fi 7ikayet il 3idmaniyya?!... 7kayat il 3il(d)maniyya shallaktuha bil mustawa hadha

Der Kameltreiber, Ladeeni ولد الصحرا يقول...

إلى نهرو:


أنا لم أقل بأن لأزواو الحق في أن يكتب ما كب, بل أنا لهذه اللحظة لا أستطيع أن أصدق أن أزواو قد كتب ما كتب, و لم أكن لأنتبه إلى أن طارق هو المقصود لولا أن قام هذا الأخير بالتنبيه لهذا:


ما أردته هو تذكير طارق ب"فازة" كلاديستينو مع عماد و التي توقعت آن ذاك أن يقوم سي طارق الذي يعتبر نفسه رئيسا للمدونين التونسيين ( دره في تنشيط الحوار في المدونات و بادرة الراديون لا ينكرها أحد) أن يتدخل لحل النزاع أو حتى أن يلوم كلاندستينو على مستواه الذي يقطر بالخسة و الانحطاط ( الذان يدعي المسلمون أن دينهم ينهاهم عنها ) و لكن لم نرى شيئا, و السبب هو التحزب.

الضرب في الكافر الملحد المفسد حلال ( هاي فتوى صحراوية أخرى على خاطرك)

nihru nihru يقول...

wild sa7ra: ma tsaddaksh ki wa7id d'un avis semblable yqul klam kif hakka?? 3lash ta3mil mziyya ma timchich tdhakkru huwwa bil qiyam wa il klaam il mchum?! hakka tawwa jay ba3d ma shlaka lakhir qal il klam hadhaka tawwa dhuhurlik bich tdhakkir tarak. k??!! hadhda yitsamma tabrir li klaam wa7id tittafiq m3ah fil ra'y... 3lash taghtiyat 3in il shams bil ghurbal... wa q3ad mawduu3 il 3idmaniyya bin il saqiin... dakhkhiltouha b3adha bil sabbaan wa hrabtu min niqash illi bih il fayda... shayy ya3mil il 3aar... wallahi msakhkhifni tarak k. jadda 3alih illi intuma t7ibbu ta3milu niqash

Big Trap Boy يقول...

أهلا طارق،

الحقيقة أنا ما تابعتش كلّ تفاصيل الجدال حول العلمانيّة ولكن كنت نفضّل أنّك ما تتسرّعش في إعتبار كلام أزواو موجّه ليك بصفة شخصيّة

يمكن كانت التدوينة إجابة على التعليقات اللي تجاوزت حدود اللياقة من بعض المعلقين الآخرين.

Clandestino يقول...

الدنيا بدات تسخن
و يظهرلي الشمس أثّرت في مخّ فرخ الصحرا و جماعتو
مسكينة الصحراء اش تجيب
لوكان في بالها بالشتلة الحرفة هاذي راهي عملت عملية اجهاض
xD

Clandestino يقول...

@trapboy:
و انتي مع شكون؟؟
فطّارة رمضان و الا الخوانجية الجدد ؟؟

Big Trap Boy يقول...

@ Clando:

لا خويا، معايا أنا اللعبة ديما "زي"

:))

Big Trap Boy يقول...

توضيح يالنسبة للّي ما يلعبش الكارطة: اللعبة على "الزي" يعني رياضات فرديّة موش جماعيّة

على كلّ حال كان عندي ما نحكي في الموضوع أتو نحكيه في حانوتي كان لقيت وقت

Tarek طارق يقول...

بيغ: و الله كل شي واضح من السياق التعميمي إلي يتكلم بيه في الأيام لخرة... كان تحب تتأكد أكثر شوف في التدوينات الموالية متاعو كيفاش حطني في الشكارة متاع "الناس إلي تحب تناقش"... و التدوينات السابقة إلي واضح التعميم فيها و إلي تحط كل من يخالف موقفو في خانة "الاسلاميين الجدد"... ثم أنا كتبت و علقت على الكلام هذا... و قلت أية إختار كيفاش تحب تناقش... آخي هاو جاني الرد...

أنا مانيش بش ننزل للمستوى هذاية بالأساس لأنو راجل مسن و في عمر الوالد... أما هو ماكانش في مستوى سنو و عمرو... أنا المرة الفايتة كيف قال إلي نقصدو في كلامي مشيت خليت تعليق في مدونتو أكدت فيه إلي أنا مانقصدوش بكلامي... إذا كان ما وضحش موقفو و إلا ما قدمش إعتذار فإني بالنسبة لي الشخص هذا ماعادش موجود... نقول الكلام هذا بكل أسف لأني كنت نتصورو مختلف على المتوترين لخرين بالرغم إلي كان يصوتلهم و يروجلهم في تدويناتهم بما فيها إلي استهدفتني شخصيا... أما كنت نقول مش مهم المهم شنوة يقول و شنوة يكتب... آخي أهوة شنو ولى يكتب و شنوة ولى يقول