موزاييك.... إذاعة ثقفوتية... تخدم مع البي بي سي... و تنظر في "أفكار التونسي": الاستبلاه سيس دوز
السيد "مدير عام" موزاييك إلي هو بالمناسبة صحفي سابق في جريدة "الشروق"عمل ندوة صحفية أعلن فيها عن فتوحات الإذاعة "الغراء" هذية (هنا)... الاستبلاه عندو حدود... إلا بالنسبة لإذاعة موزاييك.... توة بالله إنتوما تخدمو على القلم متاع "سيس دوز" و البرمجة "الصيفية" (24 ساعة على 24 و 7 أيام في الجمعة) أش مدخلكم في قلم الثقفوت... اأكثر حاجة حسيت فيها بالاستبلاه "سيس دوز" هي الحكاية هذية
"اول كتاب
وختم المدير العام لاذاعة موزاييك هذا اللقاء بتقديم اول كتاب اصدرته اذاعة موزاييك والذي قال بشأنه انه كتاب يقدم ويلخص فكر التونسي وما بداخله من مشاغل.. وهذا الكتاب سيتم الاحتفاء به رسميا خلال الايام القليلة القادمة بمكتبة المعتز بالمنزه من خلال لقاء توقيع ولقاء مع كل منشطي اذاعة موزاييك"
5 التعليقات:
شكرا على هذه الافكار الليلية وعلى هذا الفهم العميق .الاكيد ان هذا الاستبلاه لن يطول
محمد العيادي مدونة صامد
http://rtoosh.com/blogs/samed
جريدة الصباح لازم تِزلعها على خاطر المكتبة اسمها المعز موش المعتز، بالطبيعة انتي خاطيك... أنا الجملة اللي شخت عليها هي أنّو نشاط اذاعة موزاييك لا يقتصر على البرامج والمسابقات بل يتعداه الى المساهمة الفعلية في التنمية!!!
مستوى هذه الإذاعة هابط الى حد القيء والفاظ المذيعين ممجوجة و سوقية تنم على بلادة فكر و جهل مدقع وتصحر إعلامي ....انها تشبه الزنزانة التي يسببها التفحم في كوانين الشتاء...
Ma yezemch tloum Mosaique Elli hia societe al hadaf mte3ha errebh mouch ettath9rif
مرصد نقابي... مرحبا
ويروولف... صار المعز هي... أية باهي
الحلاج... الحقيقة أنا ما نتبعهاش برشة بما أني البرة... أما عندي فكرة
زياد... "ما يلزمش تلوم..."... و علاش ما يلزمش نلوم إذا كان هي مؤسسة خاصة؟! إي بالطبيعة من حقها أنها تربح... و أنا من حقي أنها ما تستبلهنيش خاصة كي يويليو الجماعة "جمعية علم إجتماع" يكتبو في الكتب حول "أفكار التونسي"... بش "تربح" تولي تكتب في كتب علم الاجتماع؟
إرسال تعليق