السبت، سبتمبر 20، 2008

انخفاض محصول الحبوب في تونس بنسبة 40 في الميا

حسب تقرير قبيلة في رويترز (هنا)... يعني تقريبا الشطر.... انخفاض كبير بالنسبة لبلاد تعتمد بشكل كبير على محصول الحبوب في قوائمها الغذائية... هذاية يجي في وقت أزمة غذائية عالمية كنت تحدثت عليها في الجزيرة نت (هنا).. يعني إستيراد تقريبا زوز ملاين طن من القمح للسنة الثانية على التوالي في ظل ارتفاع أسعار الغذاء و في ظل التكاليف الاضافية للطاقة بش يخلي تأثير كبير على ميزانية الدولة العام الجاي... و المشكل الكبير أنو المفاوضات الاجتماعية (الجارية توة) هي في الأساس صعيبة فما بالك كان تزيد تتعقد الوضعية الاقتصادية...

بالاضافة الى ذلك الانعكاسات الدولية للأزمة المالية الأمريكية مازالت مش واضحة أما من المؤكد إلي أي تباطؤ في النمو أمريكيا بش يأدي للتأثير على النمو عالميا خاصة في "الدول النامية"... بالنسة للأزمة الاقتصادية الأمريكية إلي كتبت عليها المرة الفايتة (هنا) بش تكون أيضا موضوع مقالي الأسبوعي إلي بش يخرج غدوة في العرب القطرية...

بشكل عام بش ندخلو، عالميا، وضعية صعبة نسبيا

3 التعليقات:

JOUNAYD يقول...

Rabbi yostorna
C'est grave la récolte cette année je le sais parce que nous avons des terres est rien n'a presque pousser :(

baz2x1 يقول...

Pourtant je viens de voire aux infos des agriculteurs tout contents et qui félicitent les mesures présidentielles

boulbaba يقول...

عادي من زرع حصد ونحن زرعنا الاهمال و البيرقراطية ...
كيف نطلب من فاشل على كل المستويات ( محمد الغنوشي) ان ينجح؟؟؟؟
فعبقري الأقتصاد و زعيم ليبرالية الفقر تركيزه منصب المسكين في جلب اليد العاملة الصينية البخسة لتتمكن بلادنا من جلب الأستثمارات الأجنبية؟؟؟
للأسف هدا ليس وصف كريكاتيري بل هي الحقيقة