بمناسبة 4 نوفمبر يوم حرية التدوين... مسألة القانون و التدوين.. نموذج أمريكي
التدوينة هذية في اتجاه لفت الانتباه إلى أهمية الالتجاء للقضاء و القانون لحماية حرية التدوين... بش نركز على التجربة الريادية في العالم في التدوين يعني التجربة الأمريكية... في إطار النمو الكبير للمدونات في أمريكا تعملت برشة قضايا ضد مدونات على أساس تهم من نوع "التشويه" و "الكذب"... و في السياق هذاية تعملت حاجة عملية يظهرلي مهم برشة و ممكن برشة أنها تصير في تونس... تعملت في اأسابيع لخرة منظمة من قبل قانونيين و محامين في نيويورك يقدمو تدريب من أجل "تأمين" المدونين في اتجاه حمايتهم وقتلي يتعرضو لمشاكل قضائية (شوف هنا و هنا)... طبعا الظروف و التحديات مختلفة... كيفما قلت في مقال سابق (هنا) ردا على مقال تبريري لبسيس فإنو مش ممكن مقارنة عمار الأمريكاني بعمار التونسي... لكن فمة حاجة ممكن نخرجو بيها من خلال القضية المرفوعة في القضاء و هي تكوين إطار يوفر المشورة و النصح و حتى الحماية القانونية للمدونين في إطار قوانين و دستور بلادنا إلي مبدئيا تحمي حق التعبير طبعا بمعزل عن الوقائع... يعني طريق مواجهة عمار عبر القضاء و القانون يجب التركيز عليه و تطويرو...
3 التعليقات:
فكرة ممتازة. أرجو أن نجد خبراء قانونيين يقبلون التطوع لتقديم المشورة للمدونين. خاصة وأن بعض محامينا "المشهورين" يفضلون خدمة قضايا الشخصيات "المشهورة" على خدمة القضايا العامة..
ملاحظة: أحد الأساتذة الأفاضل "اعتذر" عن نيابتنا في قضية 4 نوفمبر، لذلك سأقوم بالمطلوب بمفردي.. وإنشاء الله مربوحة..
زياد... يعني حتى محامي ماهو بش يحضر؟
http://tareknightlife.blogspot.com/2008/11/blog-post_88.html
Le problème en Tunisie c’est que les projets de loi sont présentés pour approbation soit par le gouvernement soit par un groupe parlementaire, or depuis 50 ans jamais un groupe parlementaire n’a eu l’audace de présenter un projet de loi. De même une grande partie de l’opposition au parlement est top domestiquée. Comment faire alors ?
- il faut faire du porte à porte au près des parlementaires pour leurs convaincre de présenter ce projet de loi visant l’interdiction de censurer un blog et la consolidation des libertés fondamentales
- il faut emprunter la piste de la ligue arabe ! La ligue arabe doit évoluer à l’image de l’union européenne. La ligue arabe doit instaurer la commission des libertés fondamentales avec la participation des ONGs arabes qui sont impliqués dans les mouvements de droit de l’homme (sachant que la ligue arabe n’est pas un ONG )
Donc c’est un vrai combat de civilisation qu’il faut mener sans relâche
Kastalli cherif
5 rue Ibn Rachiq Béja 9000
إرسال تعليق