نوستالجيا الساحة الحمرا
ذكريات كبيرة في البلاصة هذية... نفسيات عديد من الناس تشكلت في البلاصة هذية... كان جات تحكي قداش بش تحكي.. موحشة برشة التصويرة متاعها و هي فارغة و كاينها جردا/قاحلة... قداش سقينا فيها دم و عرق.. جزء من تاريخ تونس في الشطر الثاني متاع القرن العشرين كان يجرى لهنا... صورة من مجموعة كلية 9 أفريل في فايسبوك
7 التعليقات:
بردتلي على قلبي، كنت انظن الي ما عنديش قلب، انت جبت الدليل المعاكس!!!
النار تخلّف الرّماد يا طارق
برّه شوفها توّة من المايع للّي ما ينجّمش يكتب جملة للّي ما يعرفش ماو تسي تونغ خليقة ولاّ صنيعة
Thaw dihnuha el fac ya Tarek :) ya 7asra 3al kutla , poct, watad jam3a w tali3a w niqachat el congrès w el3rek ili 3maltu m3a el 3uni:) w ya7ssra 3la nchaat mta3 Nejib w 5tabet Othman w fssa7et elmoumni ili kanet arja2 el fac tradedha min qabil ardh, 7urriya karama wataniya...:) tabqa fi la5er blassa 3ziza beraghem mili ma teb3edech fi handsetha 3la el 7abes...
ايـه ياطارق، كلامك انو جزء من تاريخ تونس في الشطر الثاني متاع القرن العشرين كان يجري غادي، فكرني في حكاية صارتلي قبل
كنت نقرى في منفلوري وقتها، و نسكنوا في مبيت ابن سينا مع جماعة 9 افريل و نركبوا مع بعضنا فرد سبيسيال، مرة متعدّين قدّام الجامعة متاع التسعة افريل و الشوفير راجل كبير في العمر...
الشوفير: (يتنهّد فرد تنهيدة) يا حسرة ع الـ 9 أفريل شطر رجال تونس خرجوا من غادي.
طالب: (يقرى غادي، منبوز) و شبيها تو
الشوفير: (يزيد يتنهد) تو ما تلقى فيها كان الشلاكة و خوه
وقتها على ما نتذكر شايشة درى علاش و الحاكم يخيط في المنطقة تخييط و ناجح في انو يسيطر ع الوضع بالطبيعة و الامور الكل راكحة...
البرباش: كان هاذم شلايك املا احنا آش نتسماو؟
الشوفير: (بعد ما يضحك) لا انتوما خاطيكم، عباد نظاف، فينو، قننّوات متاع ورقة و ستيلو و كالكيلاتريس...
الشوفير: (يزيد يقحرلنا في وجوهنا) عقابكم متاع خدمة في بيرو، أورديناتور و كرافات و بالك وسّع ع السورية لا تتغبّر
الشوفير: (يدوّح في راسو) يستحيل اتنجموا تقاسو الشي اللي تعدّى على ريوسهم عشرة و عشرين عام لتالي... و تو انتوما بش توليو مستقبل هـ البلاد
و عاود اتلفّت قدّامو لاهي بالثنية متاعو خلانا الكلنا نتغازروا لبعضنا...
mahla mandarha hatta w hiya fargha ... kif ma kal 3lina choffeur el kar kalit wallada 3la wled 9 avril lyoum .. wkoll jil mkholli fi hal blasa hkayatou wihkayat tounes ... hal omm illi marra tikbis marra tirkhif marra tadhrib hatta tsayal eddam .. w ba3d 3morr twil koll wahid yahki kifech ommou najmit thibbou
La fac déjà était dans un était critique, et maintenant avec les traveaux qu'ils ont fait et qui devait finir depuis longtemps cìest encore pire...Il n'y a plus de fenêtres...
A' propos, quelqu'un parlait de Othman...Savez-vous qu'est-ce- qu'il est devenu?
يا طارق نحكيلك آنا أكثر هناك أساتذة معاهد ثانوية قالوا إلي قبل كانت حتي تلامذة تهتم بالشؤون السياسية أما تحترم الأستاذ وتقدروا وتاقف معاهم ونادمين علي تلك الأيام أما الآن لاعاد إحترام ولاأي شيءمن التلميذ مايحترم كان الكورة والغناء
إرسال تعليق