السبت، نوفمبر 08، 2008

إمضاء "نخبة من الشباب" على "الميثاق": وقتلي يكون "الميثاق" مشكل مش حل

حسب جريدة الصباح أمضى "نخبة من الشباب" على "ميثاق الشباب" (هنا)... النخبة هذية تضمنت ممثلين على أطراف سياسية محددة: "ممثل من الشباب عن كل من التجمع الدستوري الديموقراطي وحركة الديموقراطيين الاشتراكيين وحزب الوحدة الشعبية والاتحاد الديموقراطي الوحدوي والحزب الاجتماعي التحرري وحزب الخضر للتقدم."
و ممثلين لمنظمات شبابية ("شاب عن كل من الكشافة التونسية والشبيبة المدرسية والمنظمة الشبابية النسائية") و بالاضافة "الى شابين مبدعين في مجالي الرياضة والثقافة وشاب يمثل شباب تونس بالخارج"... "حوار الشباب" كان جزئيا على الأقل في سياق بروز تيار في الشباب التونسي مال لرؤى سلفية وهابية و وصلو بعض الافراد الى مسك السلاح او "التفكير" في مسك السلاح و كذلك في سياق ارتفاع نسب البطالة بين الشباب التونسي الي كانت من الاسباب الرئيسية لانطلاق أحداثالحوض المنجمي... و ما فماش داعي انو الواحد يعاود يأكد الى الوضعيات هذية (على اختلافها) ناتجة جزئيا على الاقل على ازمة "تمثيلية" الشباب يعني انو قطاع واسع من الشباب التونسي ما يلقاش أطر سياسية أو غير سياسية تعبر عليه و توصل رؤاه و مشاغلو... "حوار الشباب" بدى بشعار حتى حد ماينجم يختلف حولو: "الشباب الحل و ليس المشكل"... لكن وقتلي يكونو "ممثلي الشباب" (ضعيفي التمثيل أو حتى الصوريين) إلي كانو موجودين قبل "حوار الشباب" هومة أنفسهم "ممثلي الشباب" بعدو وقتها يكون "الحوار" و "الميثاق" إلي خرج عليه أحداث من دون تأثير... اجترار للماضي... بالرغم من إيجابية المبدأ إلا أنو "الميثاق" و "الحوار" بالصيغ هذية و "نخبة الشباب" و "ممثليهم" في الاطار هذاية هومة المشكل مش الحل... الحل أو جزء من الحل هو ترك مساحة أوسع للشباب للتعبير (السياسي أو غير السياسي) بش يأسس أو يعيد تأسيس منظمات تعبر عليه بشكل مدني و سلمي... وقتها أي وثيقة بمعزل عن محتواها تكون "ميثاق" حقيقي... و حدث يستحق الاهتمام

3 التعليقات:

tunisianblogger يقول...

يا طارق بالنّسبة للتّجوّع والزّنوس متاعو، الشباب التونسي ياقف عند حدّ "المناضلين" و "المناضلات" (الطحّانة) متاعوا وزيدهم شويّة من الاحزاب الصورية (متاع الديكور) امّاالبقيّة (أولاد باب الله، الزوالة، المعارضين، الغير متحزّبين وغيرهم وغيرهم...) واللّي هوما في الواقع يمثّلو السّواد الاعظم هاذوكم خارجين من الحسابات الكلّ!!!
يعني هوما المشكل في نظر السّلط اما الحلّ هو الشباب التّجوّعي وهذاكا منين طلّعوا حكاية "الشباب هو الحلّ و ليس المشكل"

islam_ayeh يقول...

Sérieusement ya Tari9, wassa3et bali we mchit tallit 3al site mta3 7iwar alchabab bach na9ra hal mithe9 elma7noun elli 9alou fel radyoun elli tamma al2imdha2 3alayeh min taraf alchabab almobdi3! wa9etha chekhet beldho7ek we 9olet chneya hal tal3a ?? mais hani tawa fhemet ki 9rit eltadwina mta3ik :))

En tout cas, je voulais juste dire que sérieusement, je ne vois qu'est ce qu'il y a de si extraordinaire dans ce pacte! depuis 20 mars des "milliers" de réunions de "brain storming" ont eu lieu (chiffres officiels bien sûr) wel7asila : RIEN
klam fadhfadh iji propaganda we chi3arat mta3 7izib choumouli we ma fih 7atta chay concret!

yodh_horli elkonna etwa99a3na elli elmathal hadha bach ikoun ghalit : 2asma3ou ja3ja3atan wa la 2ara ta7inan!
hadha la yamna3 2anna fi2a min chabab tounis 3andhom "elt7in" bzeyed

un يقول...

chui personellement avec
1 pq une etape strtegique
2je voi q il faut juste gagne d espasse
3c est ps notre tems