الجمعة، جويلية 04، 2008

اليوم 4 جويلية ماعينيش في الكتيبة... أما هاو شوية أخبار

أربعة جويلية "عيد الإستقلال" الأمريكي... حكيت العام إلي فات على الخلفية التاريخية متاعو و الأجواء الاحتفالية متاعو خاصة في فيلادلفيا (هنا)... بلوغة أخرى اليوم لاهي نشوي في اللحم (و بطلت الريجيم... شنية لحكاية نهار و برة) و في الليل بش نتفرجو في الألعاب النارية... و بالتالي ماعينيش في الكتيبة...

أما هاو روابط على زوز مواضيع لفتو إنتباهي اليوم...

أولا مقال في الصحيفة الفرانسوية الشهرية المرموقة "لوموند ديبلوماتيك "حول "أحداث قفصة" مكتوب من تونسي و فرانسوية (هنا المقال مش كامل في موقع الصحيفة أما هاو هنا نسخة كاملة)... الحقيقة مقال في لوموند ديبلوماتيك يلزم يكون عندو بعد تحليلي مش مجرد تقرير إخباري... و هذاكة علاش المقال ظهرلي عادي و كان ينجم يكون خير...

ثانيا، موضوع مش باهي لسياحتنا خاصة الوقيت هذا... عزوزة بريطانية تقتلت في القنظاوي و طبعا الصحافة البريطانية عاملة عرعور (هنا و هنا).. يظهرلي السيد إلي عمل العملة شدوه...

4 التعليقات:

samsoum يقول...

Happy fourth of July :)

Tarek طارق يقول...

Happy 4th of July to you samsoum and your family too!!

Bej يقول...

لحم مشوي سعيد! happy grilled meat

Tarek طارق يقول...

شكرا باج