تأسيس قناة فضائية من قبل مدونين و أعضاء مصريين في الفايسبوك؟
الخبر حسب جريدة البديل المصرية متاع البارح (زيد فمة تقرير آخر من موقع "محيط")... إلي مسهل العملية الكل هو أنو التراتيب الجديدة متع القمر الصناعي نيل سات تسمح باستقبال قناة مقابل 200 ألف جنيه أكهو (يعني 38 ألف دولار) و زيد تتدفع بالتقسيط على أربعة مرات.... مجموعة المدونين و الأعضاء في الفايسبوك هذومة بالأساس ناشطين في الانترنت و بعضهم شارك في أحداث "6 أفريل"... و هذية ردة فعل على عملية الشيطنة إلي قامت بيها وسائل إعلام تقليدية ضدهم... أهية المجموعة على الفايسبوك
يظهرلي المشكل في تأسيس قناة فضائية مش في الامكانيات المادية بالرغم إلي هي فكرة هايلة... المشكل في القرار السياسي لأنو النيل سات ملك للحكومة المصرية إلي ديجا تحضر في قانون لمحاصرة ظاهرة النشاط الشبابي في الانترنت إلي تعتبرو "خطر"... موضوع كنت تحدثت عليه هنا و هنا.. زيد هي فمة قنوات تخدم عندها مدة عن طريق نيل سات و قالولها حنك الباب على خاطرها مستقلة "أكثر من اللازم" (مثلا هنا)... على كل حال مبادرة تعبر على حيوية متصاعدة في علاقة برشة شباب مصريين مع أدوات الانترنت من الزاوية السياسية
3 التعليقات:
صحيح قناة الحوار قصت مدة على النيلسات لكنها رجعت
200 الف جنيه هذية متاع الساتليت ... و قداش يلزم باش تتعمل الستوديو و معدات التصوير, و الا ناوين يصورو بالواب كام ههه
ممكن علاش لا، الي يعمل راديو يعمل تلفزة
إرسال تعليق