الخميس، جويلية 03، 2008

ترتيب الدول الأكثر سعادة... أو الأكثر حزنا في العالم

الموضوع كان على كل لسان نهار 1 جويلية: المسح القيمي في العالم (أو المسح العالمي للقيم) إلي هو مشروع بحث أكاديمي متركز في جامعة ميتشيغان يخرج في دراسات حول موضوع "السعادة" بوصفها (خاصة كيف ما يقول الدستور الأمريكي) هي "منال الإنسان".. خرج ترتيب للدول "الأكثر سعادة" مش بناء على المعطيات الاقتصادية فحسب بل زادة بناء على القيم إلي تمن بيها الشعوب هذية...

نعرف السؤال إلي في مخاخ الناس الكل: مازلت ما لقيتش الترتيب متاع تونس

الخبر في جريدة الشرق الأوسط السعودية مع ترتيب بعض الدول العربية خاصة السعودية إلي طلعت لولة عربيا (؟!)

الخبر في رويترز و السي أن أن و البي بي سي إلي ركزو على أنو "أسعد" شعب في العالم هو الدانمارك... الشي إلي ذكرني بترتيب آخر يشبه لهذاية و ذكرني بحلقة من برنامج "60 دقيقة" متاع السي بي أس توة اشهرة لتالي إلي نسب نوعا ما فكرة "السعادة" و قربها أكثر لمعنى "القناعة"... الدانماركيين قنوعين بوضعهم مش بالضبط سعداء... حلقة مثير للاهتمام

2 التعليقات:

samsoum يقول...

كيما قالوا "هاملت" راهو يدور كالزربوط في قبرو
:)

chanfara يقول...

بالنسبة لتونس ما نعرفش إذا كانت معنية بالإحصاء أو لا أما في إحصاء 2005 بالنسبة ل82 دولة أحنا ما ناش في القائمة متع 60 اللولين

http://www.linternaute.com/savoir/classement/bonheur.shtml