الجمعة، ديسمبر 12، 2008

من أجل التركيز على ممولي الحجب... و "المسابقة" الفوضوية خير


في علاقة بموضوع المسابقة متاع المدونات إلي تحدثت عليها قبيلة (هنا) ربما من الأنجع تركيز النقد مش على الأشخاص لكن على الهياكل... لهنا يظهرلي فكرة صديقنا زياد في تأسيس مجموعة في فايسبوك (هنا) تركز على الزوز شركات إلي تمول في المسابقة فكرة في بلاصتها... بالمناسبة ما نراش مشكلة في تمويل أي مسابقة أو حدث اجتماعي (حفلة للمدونين) بالضرورة لكن تمويل الحجب حاجة مختلفة تماما... بخلاف هذاكة فكرة حسين (هنا) لتنظيم "مسابقة" بديلة "فوضوية" (بالمعني الايجابي لكلمة فوضوية) في اتجاه نزع الشرعية على المسابقة إياها فكرة زادة مش خايبة... خاصة أنو بدى الترويج للمسابقة هذية في الاعلام السائد مثلا هنا في لابريس و هنا في إذاعة موزاييك

21 التعليقات:

Werewolf يقول...

هو كي تجي تشوف مُمولي الحجب عندهم أشخاص دَخلوهم في الجو و فيْقوهم اللي البلوغسفار يربّح الفلوس و لهنا نتسائل قدّاه الواحد يلزم يكون رقعة و ما عندوش همّة باش يرميولو عظمة و يخسر كرامتو و قدرو مع العباد

Ze mek3ara يقول...

asslema tarek,
il faut bien se renseigner avant d'accuser les organisations à tort
http://www.yosraworld.com/blogsphere/tba-2008-eclaircissement.html

Merci

Tarek طارق يقول...

يسرى... عسلامة.. إلي صاير في المسابقة حسب رايي و حسب راي برشة مدونين هو عملية حجب على أسس سياسية و فكرية.. إنت حرة طبعا أنك تمارس الحجب و أي مدون حر بش ما يشاركش في مسابقة فيها حجب... أما بالنسبة للممولين.. إنت تحب تقول إلي هومة ما فيبالهمش أو ماعندهمش دخل في القواعد متاع الحجب إلي في المسابقة... لكن مش هذية المشكلة.. هوما في نهاية الأمر يمولو في عملية الحجب.. إذا كان في بالهم فهي معضلة.. و إذا كان ما في بالهمش فهذيكة معضلة أكبر..

يسرى... يظهرلي النقاشات متاعنا العام إلي فات ما جابت شي.. صحيح إنت حرة في تنظيم مسابقة بالطريقة إلي تحب عليها... لكن في نفس الوقت يلزم شوية نزاهة.. تعرف مليح أنو مسابقة العام إلي فات مشكلتها في تهميشها لما هو شأن عام و ما هو سياسي.. المرة هذية قدمت القدام و وليت تقبل في المدونات على أساس تأويلك إنت السياسي للقواعد إلي حطيتهم... حاجة برك إنجم نقولها.. خسارة أنك اخترت الطريق هذاكة

zabratfromgeneva يقول...

@Yosra
Chere demoiselle
J'ai lu ce que vous avez ecrit et vous l'affirmez:"c’est un choix subjectif et personnel de ne pas accepter les blogs à caractère haineux , racistes, religieux ou diffusant des idées contre les bonnes mœurs, l’ordre public, les lois et réglementations en vigueur, les droits d’autrui
"
Ne vous y voyez pas une sorte de despotisme et de tyrannie intellectuelle?

@طارق
مانوافقكش كي تقول ''انتي حرة في تنظيم مسابقة بالطريقة إلي تحب عليها'' خاطر ماينجمش واحد برك وماينجم حتى واحد يكون موضوعي بما فيه الكفاية بش يختار ويقصي اللي يحب.

Werewolf يقول...

@ Yosra:
معناها القانون لا يحمي المغفلين تقول انتي... العمليّه بكلها عمليّة تحيّل مالأول و بدات من عمناول دونك ما تقليش ما عندهاش علاقة باللي قبلها... حاجة برك نحب نفهمها ايبار سيبار واب اللي تحكي عليها شنية الهدف متاعها من أصلو... ما تقليش تحب تشجع المدونين... باهي و شنية لحكاية متاع الولاد الصغار اللي تحكي فيها قلّو سبونسوريرغ باش المسابقة تكون ميدياتيزي ياخي مُصرة على استبلاهنا و إلا هذاكة حد نيتك... في بالي بيك تعلمت درس من مرّة مرّة في مدونة البودورو... وقتها ثمة شكون اتهمك بالغباء و ثمة شكون اتهمك بالخبث... اللي متأكد منّو توّة أنني ما نتمناش نكون في بلاصتك توة

Mehdi يقول...

Bonsoir,
Bon voilà, je suis désolé si je consacre pas bcp du temps à lire vos blogs, je pense que j'étais pas assez clair sur mon site officiel, je vous explique monsieur Tarek que le site dont tu parles www.tunisiablogawards.com est un site qui m'appartient, y compris les données, j'ai seul le droit de modifier son contenu selon mes choix personnelles, l'évènement n'appartient ni à toi ni à la blogosphère...
En résumé, c'est un peu déplacé de critiquer les marques qui ont choisi de sponsoriser nos choix personnelles.. ça n'a rien à voir.
Juste un petit conseil, zappe le site qui va pas avec des meurs, ne te casse pas la tête la dessus..,

Werewolf يقول...

@Mehdi:
نصيحة من عند حُسين

Mehdi يقول...

Werewolf@
Il y a pas de crise

samsoum يقول...

Pour qq'un qui organise les Tunisia Blogs awards et qui n'a pas le temps de lire "leurs" blogs, c'est vrai que tu dois être désolé.
C'est vraiment pathétique, quelle arrogance!!!

Mehdi يقول...

samsoum@
Je suis pas le seul dans l'organisation (à ce qu'il parait t'es au courant de rien toi)

عياش مالمرسى يقول...

عسلامة طارق، حبيت نتدخل مش عالأفكار (موافقك فيها الكل) أما على عبارة فوضوي، و خاصة حرصك عالضفرين و استعمالك لـ"المعنى الإيجابي للكلمة" ، ياخي خايف من معناها الكلمة؟؟ هيّا إيجابية في القاعدة و سلبية عند العباد لي فهموها بالغالط، و أولهم لي ترجمو كلمة أنارشيزم من أصلو. يظهرلي لي الترجمة الصحيحة هي لاسلطويّة، شوف ويكيباديا عليها، و حتى بالمنطق نعرفوا لي همجية و فوضوية ترجمات غالطة..

samsoum يقول...

Mehdi: Lis ce que tu as ecris plus haut. Tu as bien dit que c'est ton site, tes choix et que "tu" es le seul maitre a bord. Alors ne te contredis pas sur le meme poste en disant que vous etes une equipe. Moi je n'ai fait que croire ce que tu as ecrit plus haut.
Get your act together my friend and listen to what others are saying, don't be stubborn.

Mehdi يقول...

@samsoum
Dans tt les cas ça te ne regarde pas qui s'occupe du site, ça ne te concerne pas..
Essai avec tt les moyens que tu posséde de comprendre que LE CHOIX DU CONTENU D'UN SITE REVIENT SEULEMENT AU RESPONSABLE DE CE SITE.
J'ai rien à faire ce weekend, je peux te l'expliquer à plusieurs reprises, il y a pas de mal..

samsoum يقول...

@Mehdi
Cela tombe bien, moi aussi je n'ai rien a faire ce week end. Mais je vais t'expliquer comment on est arrive la.
Tu as écris toi même que tu ne lis pas nos blogs et que tu es la seule personne qui a le droit de changer son contenu. Je t'ai alors répondu que c'est osé de décider qui participe quand on n'a aucune idée des blogueurs. D'accord jusque la?
Bon maintenant tu reviens en charge en court d'arguments pour me dire que ça ne me concerne pas et tu te porte volontaire a m'apprendre la définition de la propriété du contenu de ton site!!!
Tu ne trouves pas qu'on ne dialogue plus la mais que ca tourne a des chamaillades d'enfants?
Mais malgre mes 42 ans, cela m'amuse et on peut continuer si tu veux avec la permission de Tarek bien sur

Houssein يقول...

samsoum, laisse tomber bro, laisse tomber...

samsoum يقول...

Tu as raison Hou, cela ne sert a rien, j'ai souhaité qu'il sache se remette en question, mais bon....

Tarek طارق يقول...

مهدي.. ميسالش زيد وسع بالك معانا.. واضح إنت إنسان مهم خصصت موقع للجايزة متاع البلوقوسفير (يعطيك الصحة)أما البلوقوسفير ما عندوش دخل فيها (؟!).. شوف حاول تقرى إلي كتبتو كيف رجعت على يسرى.. و إلي كتبوه بقية المدونين... فرصة بش تقرى شوية المدونات توة.. خاصة منها إلي كتبت على الموضوع... تي هي فرصة بش تقرى أصلا... ما يكفيش أنك تكتب.. باهي كيف ساعات تقرى... نعاود حاجة برك قلتها ليسرى.. إذا في بالهم الممولين بطريقة فرز المدونات فهي معضلة كبيرة.. و إذا ما في بالهمش فهي معضلة أكبر.. حاجة أخرى: إلي تقرر بش تعملو إنت في المملكة متاعك يهمني أنا و يهم اي واحد يحل الانترنت على خاطر إنت الموقع متاعك مفتوح للعموم.. زيد إنت حليت على روحك باب البلوقوسفير و أنا و غيري بوصفنا مدونين عندنا الحق و انجمو (و إلخ) نقولو على الموقع متاعك إلي يظهرلنا.. و فوق هذاكة نزابي، نسكرو و نمشي لبلاصة أخرى.. شفت إنجم نعمل إلي يظهرلي... القوانين متاعك اتنجم اطبقها في المملكة متاعك أما بخلاف هذاكة فمة عمار 404 عندو صلاحيات أوسع... خليه يخدم خدمتو كان ظهرلو

مهدي... ربي يهديك يا مهدي... كنت نفضل نتعرف عليك في ظروف ما أحسن... ما نعرفش شنية تجربتك في الدنيا لكن إلي متأكد منو أنك ما تعرفش اتدافع على روحك و بالتأكيد ما تعرفش تنظم مسابقة...المملكة متاعك (الموقع و الجوايز و المسابقة) ما عندها حتى معنى إذا غابت عليها غالبية المدونات... حاجة أخرى: إنت علاش مشارك في تنظيمها المسابقة جملة وحدة إذا كان ما تقراش المدونات؟ آش لزك يا أخي؟

بالنسبة للويكاند نصيحة من عندي (ما هو نرجع النصيحة لخويا العزيز) اتلهى بحاجة أخرى إذا كان ماكش ناوي بش تحكي في المعضلة الكبيرة و تفسرلنا شنوة إلي خلاك تعتمد القوانين متاع القرون الوسطى إلي حطيتها

Tarek طارق يقول...

عياش.. "خايف" منها؟ لا سايس... يا عياش إنت يظهرلي تحب تقرى و تتكون.. نقص من ويكيبيديا.. متاع شدان يد هذيكة... بالنسبة للفوضوية إلي تحب تحكي عليها (يعني كتيار سياسي و فكري)أقرى "بؤس الفلسفة" (ماركس) أحسن ما تقرى حسب رايي بالنسبة للمؤلفات الكلاسيكية في الموضوع..

إنت رايك الناس غالطة فيها (يعني "الفوضوية" كتيار فكري و سياسي)أما هي باهية ("في القاعدة").. أنا رايي أنو "الفوضوية" كحركة سياسية و فكرية هي حركة مشاغبة و مستفزة و تحرك المواجع بالعربي لكن ما تنجمش تقدم حتى شي في دنيتنا يعني ما تقدمش حلول.. هذية رؤوس أقلام بالطبيعة...

بالمناسبة (بش نرجعو للموضوع متاع التدوينة) أنا الفوضوية إلي نقصدها في العنوان (في المسابقة) هي معناها اللغوي مش الاصطلاحي.. يعني بمعنى العفوية... مش بمعناها الفكري و السياسي المحدد زمانيا و مكانيا...

حاجة أخرى بالصدفة توة برك كملت و بعثت مقالي الاسبوعي في العرب القطرية.. حكيت فيه على "الفوضوية" اليونانية (بمعناها الاصطلاحي)...

بالنسبة للترجمة متاع المصطلح.. إي ممكن مش الترجمة الحرفية بما أنو الأصل اليوناني للكلمة هو كلمتين (لا) و (مجال) أو(سيادة) أو (حكم) مش سلطة.. أما النقاش طبعا يلزم يكون في ماهو اصطلاحي، في المعنى و قتلي بش نتحدثو على "الفوضوية" (أو أي مرادف نتفقو عليه) كتيار سياسي و فكري... لأنو فهمها بمعنى "الفوضوية" (بالمعنى مثلا إلي تحدث عليه ماركس في "بؤس الفلسفة") مش خاص بالعرب و ترجمتهم للكلمة

kosksi diary يقول...

Encore une déconnade des agences web warketing à 2 balles du coté de chez nous!!



beaucoup OSENT même être juge et parti dans ce -mahrajen- fondé sur le 2.0 espérant ainsi profiter du génie et du succès de certains pour en tirer profit!!!


Non Messieurs , Dames, il semble être révolu le temps du vieux marketing qui prend les gens pour des consommateurs CONS

voilà que votre action s'avère non seulement STUPIDE mais contre productive car vos annonceurs ont reçu un gros coup dans le cul

pour un FLOP¨c'en est un : courage courage!!!!!!!!!!!!!! 

عياش مالمرسى يقول...

بعثتك لويكيباديا كان عالترجمة خاتر مالقيتش بلاصة أخرى انجم ندلّك عليها، أما تهنّى يا طارق مانيش معمّل عليها باش نتكوّن :))) ، عاللاسلطوية ماقريتش بؤس الفلسفة، أما قودوين و برودون إي، و ثمة فيلسوف أمريكاني ننصحك أقراه اسمو هنري دايفد ثورو تخمامو مأثر عليّا رغم اللّي ماهوش فوضوي... غزرتي للفوضوية مانجمش نلخصها في تعليق أما نقرب أكثر للأناركو-سنديكالزم (ما نعرش بالعربي) متاع نعوم شومسكي.

Big Trap Boy يقول...

برافو طارق

للأسف بعض القضيات منعتني باش نشارك في كبّان سعد التي بي آ ومنظّميها ومموّليها خلال الويكاند ولكن هاك قمت بالواجب

لازم الواحد يعرف يضرب في البلايص إلّي توجع وهذا هو إلّي عملتو إنتي في التدوينة هاذي

برافو مرّة أخرى