أسبوع تدويني
كيفما قلت المرة الفايتة (هنا) تهمة "التمرد المسلح" في علاقة باحتجاجات سلمية ذات علاقة بمطالب الشغل ممارسة خارج الموضوع... المنظمة الشغيلة "الاتحاد العام التونسي للشغل" عبرت على راي الكثير من التوانسة يظهرلي كيف اعتبرت في بيان البارح أنو "الاحكام قاسية" و ناشدت رئيس الجمهورية اطلاق سراح المعتقلين خاصة أنو معظمهم قيادات نقابية في الأصل و يحتاجو دفاع منظمتهم عليهم (هنا)... أسبوع تدويني (هنا) من أجل الموضوع هذا أبسط ما يمكن تقديمو... بالمناسبة نهاية الاسبوع هذا تتزامن مع التدوينة البيضا و ما تتعارضش معاها لا شكلا و لا مضمونا...
3 التعليقات:
Bonne initiative j'y adhère
أنا نحب نفهم ... الإتحاد العام كيفو يعتبر الأحكام قاسية و يحطها في إطارها الحقيقي و و و ... علاش "يناشد" في حين أنّه قوّة تنجم تعمل ضغط ؟ و إلاّ ما تنجمش ؟
يعتيك اصحة AntikoR توا الإتحاد العام normalement يدافع على نقابييه وعلى العمال بصفة عامة علاه يناشد. ستنا خنضحك شويا ههههههههههههه معنتها تونس ومناضلين تونس وفرحات حشاد ولغة ومبعد يوخر و يقدم و يناشد. ملا بلا بها هل اتحاد هلي عملينه..الاحسن العمال التوانسة انحطوا موضف هك يكون متخرج من 3د ولا 3ج شوي شوي يناشد الرئيس هكاك تنشيدتين في الشهر باهي..
إرسال تعليق