الاثنين، جويلية 07، 2008

فيديوات الهمجية... واقعة رادس




فيديوات توري الهمجية متاع واقعة رادس إلي حكيت عليها قبيلة... من وجهة نظر جمهور ليتوال و متأكد فمة فيديوات تشبهلها من وجهة نظر جمهور الترجي... من غير صوت لأنو فعلا الصوت يوصل مشاعر بدائية (تحب تسمع و تشوف الفيديوات كاملة إمشي هنا و هنا).... أما من الحاجات إلي سمعتها هو واحد يطالب في "رفاق السلاح" متاعو بش يطيحو كميونة الحريقة و يحرقوها... ملا بطولات بصراحة!! و بالمناسبة فمة برشة فروخ صغار في التصاور... يظهرلي مش فاهمين أصلا فاش قاعدين يعملو...

5 التعليقات:

Bechir يقول...

ملا هوايش!!!

فما حاجة نحب نعرفها، ياخي وين مشاوا البوليسية؟ وكيفاش كميونة متاع حماية مدنية تتسيب وحدها هكاكة باش يجيوا جماعة أوباش يكسروها؟

Bej يقول...

شيء يأسّف!! شباب ناقص توعية!

Khalil يقول...

عالم غريب أمرو عجيب.
المشكل الكبير أنها أحداث العنف كيما هذه ولات حكاية عادية في تونس. بعد بنزرت، مكثر، وغيرهم وغيرهم. ويني قرارات الجامعة؟
ماهم زعام في المباريات من غير جمهور. يظهرلي ما أكثرش من هذه الأحداث

Werewolf يقول...

فعلا شيء مؤسف و يظهرلي لحكاية أصبحت تتجاوز الجامعة و عقوبات تقليدية من نوع مقابلة بدون حضور جمهور يظهرلي أحنا نستحقو التوعية و التأطير أكثر مالردع... فيما يخص البوليسية مانيش فاهم السيستام بالضبط لكن مثلا المرة اللي فاتت في دربي الاياب كانو ثمة زوز أعوان مسكّرين الثنية و مبعد جاتهم الكار مشاوا ركبوا و خلاّوا أهل لبلا في البلا... معناها ما ثماش تنسيق و كل فرقة تخدم وحّدها

Hamadi يقول...

Le probléme dépasse la fédération, la fédération a failli. Aprés les accusations de corruptions des matchs l'année derniére je m'attendais à ce que la FTF porte des plaintes contre X même Pour la forme mais bon j'hallucinai :)