الجزيرة: نداءات لمعالجة رسمية لموضوع رفات التونسيين الثمانية
الواضح أن هذا موضوع يتجاوز كل التباينات و يتطلب لهجة توافقية تتجنب المزايدة و التوتر... اللهجة التوافقية هذية هي على كل حال إلي سادت في النشرة المغاربية متاع الجزيرة البارح
تغطية الموضوع في وسائل الإعلام التونسية متفاوتة: الخبر الوحيد المتوفر في الإعلام الرسمي إلى حد الآن غير واضح (هنا) لكن الخبر موجود في بعض الصحف "المستقلة" (القريبة عادة من الأوساط الرسمية) كيف "الشروق" متاع البارح مثلا فين تم نقل الخبر من جريدة القدس العربي
تحديث للخبر:
جريدة الشروق في عدد اليوم عملت تحقيق من صفاقس مع عايلة بليغ اللجمي و عايلة كمال البدري و نشرت صورتهم
في المقابل مازال ما فماش إشارة في وكالة الأنباء التونسية بالرغم من الحديث العام حول موضوع تسلم حزب الله لرفات "199 شخص" لكن من دون معلومات أخرى... فمة زادة تصويرة في ركن على اليمين على نفس الموضوع
3 التعليقات:
ما عطيتناش موقفك من الحكاية يا سي طارق اش تقصد بالتوافقية .وتحبهم يرجعوا والا لا .وكيفاش يرجعوا .ما يكفيش نقل الاخبار كيما هي في الحالا ت هدية يلزم يكون ثمة موقف واضح نمشوا فيه الناس الكل .ما تنظرش من السلطة باش تعترف بيهم وتستقبلهم استقبال الابطال ؟؟؟
موقفي أبوناظم طبعا قلتو من لمرة الفايتة.. عودتهم لأهاليهم و دفنهم بالاحترام إلي يستحقوه...
إنت قلت "ما تانتظرش"... وعلاش "ما تنتظرش" إذا كانك إنت نفسك طلبت البارح جنازة رسمية... ديلو، الناشط الحقوقي إلي جا في الجزيرةقال ينتظر موقف "سليم" من قبل السلطة... هذا هو المقصود بالتوافقية.. يعني لغة معالجة الموقف تكون توافقية... وهذية اللغة إلي إنت نفسك إستعملتها البارح...
انا نقصد انو السلطة ماهيش باش تعترف بيهم الا تحت ضغط المجتمع المدني والا كانت فعلت هاذا كيما عملت لبنان ودول اخرى وهذا قصدي انو الضغط مع طلب اهاليهم هو اللي ينجم يثني السلطة ويدفعها للاعتراف بيهم ودفنهم.المفروض قلت يكون في مراسم رسمية اذا جا الحق حق اما نطلبو الحد الادنى وهو تسليمهم لاهاليهم.خاطر ما قريتش في مقالك هذا موقف .
إرسال تعليق