في موضوع تهنتيل طارق ذياب... "التصريح بالحكم" نهار 15 أكتوبر
تفاصيل المحاكمة إلي تعملت نهار السبت تم عرضها في جريدة الصباح (هنا)... المهم في الموضوع في رأيي مش الحكم إلي بش يقع إصدارو لكن قرار طارق الدفاع عن نفسو بكل وضوح من خلال التركيز مباشرة و عبر المحامي متاعو على أنو الموضوع "مسرحية" و بالتالي مسيس و هذايو ربما رد فعل بعكس إلي حب الطرف لاخر يعملو... روابط لتدوينات سابقة (هنا و هنا) في الموضوع
من جهة أخرى... تفاصيل القضية متاع طارق تتحدث على "حضور 10 أعوان أمن" عند توقيف طارق.. يعني عدد غير طبيعي في وقت إلي التوقيف هو رسميا من أجل "مخالفة مرورية"... فمة خبر دار ليامات لخرة من خلال منظمات حقوقية يستحق التثبت... الاعتداء في وضح النهار قدام نزل المشتل بالعنف على أكثر من موظف في شركة الحافلات (الصفرا) في ظروف غير مفهومة.... شنية الحكاية بالضبط؟
1 التعليقات:
كونها لحكاية مسرحية، حتى وليّد صغير ينجم يفهمها... أما المقال متاع الصباح فيه شوية تخلويض زادة... توة البوليس قال راو عطاه 10 آلاف و مبعد عيّط لزملاؤو و طارق يقول اللي 10 آلاف ما تكفيش البوليسية اللي حضروا الكل... توة نحب نفهم لقاهم الكل يستناوا فيه و إلا لقى بوليس واحد و امبعد جاوا لخرين... المرة الجاية كان نلقى وقت نمشي سور تيران
إرسال تعليق