الأحد، ديسمبر 28، 2008

فايسبوك و احتجاج الشارع التونسي

دور فايسبوك في الدعوة لتظاهرات سياسية و مدنية تحدث في الشارع و في الهواء الطلق حاجة رايجة في كثير من بلدان العالم... لكن في المنطقة العربية مازال الوضع مش بالنضج متاع بقية أنحاء العالم.. من التجارب العربية النادرة في المجال هذا تجربة الاضراب العام في أفريل الماضي في مصر.. تونس مازالت جديدة على الفايسبوك أصلا.. انتشار الشبكة الاجتماعية الأولى في العالم ما حصل في تونس بشكل واسع (نسبيا) كان في الصيف إلي فات... لكن يبدو أنو الوضع يمكن أنو يبدا يتغير في الأسبوع هذا.. موضوع رفض الهمجية إلي تصبت على غزة و الموضوع الفلسطيني بشكل عام من القضايا إلي يحدث فيها شبه إجماع في تونس... وصلتني في ظرف صغير اليوم العشية على الأقل ثلاثة روابط في فايسبوك تختص بتنظيم تظاهرات... هنا و هنا و هنا... صحيح الظرف الزمني (أجواء عطلة راس العام و العطلة المدرسية) ممكن ما يساعدش في نجاح التظاهرات هذية... زيد يظهرلي التظاهرات إلي بش ينظمها اتحاد الشغل هي إلي بش تكون أكثر شعبية كيفما هي العادة بفعل أنو "الاتحاد" هو المنظمة الجماهيرية لولة في تونس (أنظر الملاحظة أسفله)... فايسبوك بش يزيد التظاهرات هذية شعبية ربما... حاجة أخرى: هذية مناسبة بش نشوفو السبب الرئيسي لعدم نجاح التظاهرات الشعبية هذية هل هو منعها فقط أم أيضا عدم مبالاة الشارع أو خوفو.... عموما هذية ربما خطوة جديدة في النشاط المدني السلمي إلي يدمج شبيبة تونسية في حاجة للتعبير من خلال وسيلة عصرية للتواصل

ملاحظة: بمعزل عن العالم الافتراضي للانترنت (فايسبوك و المدونات) الشارع التونسي بدا يتحرك اليوم خاصة أمام مقرات الاتحاد العام التونسي للشغل مثلا في ساحة محمد علي في المقر المركزي للاتحاد، في صفاقس أمام مقر الاتحاد الجهوي اجتماع شارك فيه حوالي ألف شخص و حتى الصحفي و نائب "مجلس الشعب" المصري مصطفى بكري كان موجود بالصدفة و ألقى كلمة في الاجتماع، في قابس في مقر الاتحاد الجهوي نهار السبت

3 التعليقات:

Bdan يقول...

bon, personellement je pense que le problème de lanque de réactions sociales en tunisie n'est pas un defaut d'organisation ou de propagande.. c'est en premier lieu un problème de peur, peur qui semble expliquée et justifiée avec une police politique comme la notre.. le fait d'un greve fi lycée parce que le directeur a été remplacé par plus severe après sa mort déja netfaker jew fih 2 camions bel 7akem.. 3la tarf wled sghar.. 5ali ken kbar yokhrjou..
cependant, je souhaite la reussite à ces manifestations, sauf que j'en doute fort

Houssein يقول...

Intéressant que tu ai évoqué le "april movement" en Égypte...

Un des meilleurs articles que j'ai lu sur le sujet est celui de Wired :
http://www.wired.com/techbiz/startups/magazine/16-11/ff_facebookegypt

Je ne sais pas si on verra ce genre de mouvements en Tunisie. Ce n'est pas le même contexte, c'est une autre réalité. Mais le potentiel est là.

Badiâa بديعة يقول...

appel à un rassemblement pour Gaza à Tunis lancé aujourd'hui sur Facebook
rdv 15h devant Monoprix Manzah 6
http://www.facebook.com/event.php?eid=51259774514
Plus de 300 confirmation..
à suivre