الاثنين، نوفمبر 12، 2007

جريدة الشعب: الوزير الأول يتجول في جيان

ما نعرفش هل النبرة متاع الصحفي إلي في جريدة الشعب فيها تفدليك و إلا جدية و قتلي يحكي على مشاهدتو للوزير الأول التونسي يتجول وحدو في الفضاء التجاري متاع جيان... ربما بكل بساطة الوزير الاول كان يتسوق كأي مواطن لكن لفتت إنتباهي الجملة إلي باللون الأحمر

في فضاء «جيان»:

الوزير الأول بين الناس

استرعى انتباهي، الأحد الماضي، وأنا أقضي بعض الحاجيات بالمركب التجاري «جيان» تواجد السيد محمد الغنوشي الوزير الأول بين الناس دون ان يلحظه أحد، فلم يكن مرافقا بمسؤولين سياسيين أو بمسؤولي المركب التجاري أو ببعض الحراس الشخصيين...

وأعتقد أنه خيّر القيام بتلك الجولة بين أروقة المركب ومحلاته لمعرفة وضعية تزويد السوق، فقد كان يتوقف أمام الاروقة ليراقب بانتباه شديد ماهو متوفر من منتوجات، كما توقف الوزير الاول بعض الدقائق أمام المكان المخصص للتزود بالحليب وأعتقد أنه لاحظ النقص الموجود في هذه المادة. وزيارة الوزير الاول لهذا الفضاء التجاري لمتابعة ماهو متوفّر وغير متوفر للمواطن، يعتبر مشهدا ايجابيا يؤكد حرص الحكومة على أن تكون قريبة من مشاغل شعبها.
ولعلّي على يقين ان الوزير الاول قد دوّن بعض الملحوظات التي سيوجّهها الى من يهمّه الامر حتى يتوفّر كل شيء للمواطن وللتأكيد على أهمية ان يكون المسؤول، مهما كانت مهامه قريبا من المواطن.
وعذرا لوزيرنا الاول ان كنت قد كشفت زيارته للرأي العام ولكن زيارته تستحق التنويه والاشارة لتكون مثالا لكل المسؤولين.

غسان القصيبي
جريدة الشعب، 10 نوفمبر 2007
المصدر

10 التعليقات:

Arabicca يقول...

لازم على هاذاكا رجع الحليب ها الايامات...

Tarek طارق يقول...

زعمة! تقول إنت عندو عصا سحرية
:)

Transit World يقول...

Chai lela sidi el ranoouchi
ya khouia chai ekoui!!!!
acha said al ouazir ach lahlib achat tounes !!!

Clandestino يقول...

حاصيلو ملا زيارة و ملا قرب من مشاغل المواطن
الراجل وقف قدام نصبة الحليب محسوب الجيان يعكس وضعية المواطن الزوالي و الطبقات المحتحتة

Bechir يقول...

اهلا طارق,

الخبر هذا يذكّرني بخبر آخر قريتو في الصّيف كيف روّحت لتونس. للأسف نسيت التاريخ بالظبط, أواخر جويلية/أوائل أوت, والجريدة ما تنجّم تكون كان الصباح وإلا الصريح (والعياذ بالله).

الخبر هذا مفادو أنو مسؤول تونسي رفيع على درجة عالية شوهد في فضاء تجاري كبير يتجول دون حراسة ودون ان يلحظه أحد. كاتب المقال ما ذكرش اسم المسؤول هذا.

ـ

Kibitz يقول...

الحاصل ملا هو
سي الصحفي المحترم طلع الداقزة
قمة في اللحيس

samsoum يقول...

شنوّا هذا الجيان؟

Tarek طارق يقول...

كلاندو و الله عطار الجيان

بشير صارة هكة هي الحكاية

سمسوم كيفاش ما تعرفش الجيان... تي أنا زرتو دوب وصلت لتونس في الصيف...
http://www.flickr.com/photos/subzeroblue/48582320/

samsoum يقول...

:))
هاني فهمت علي شنوا تحكيو
انا خوك كنهبط لتونس ما نقضي كان من الاسواق الشعبية اللي نبدا متوحشها كيما الحلفاوين ولا سوق الجديد و الحليب نشريه من عند بن قمرة الله يرحمه موش من جيان
:)
تعرف المقال فهمت منو انو يتمقعر علي الوزير بضخامة
نتمني اني نكون صحيح
:))

ابوناظم المرزوقي يقول...

ماهو في بلادنا غريبة وزير يتجول وحدو على خاطر ماهواش منتخب من الشعب كيما في البلدان الديمقراطية باش الشعب يحميه هنا عندنا محمي ضد الشعب ....زعمة بلحق هو وحدو وقتها ...بلكشي بدلو خدامة الفضاء التجاري الكل بوليسية ...هكة نفهمك