الاثنين، جوان 04، 2007

الخبر الرئيسي في الصباح الأسبوعي




نعرف إلي نهار الإثنين ماصت و حتى حد في تونس ماعينو بش يقرا جريدة (مانعرش علاش بالمناسبة إل جرايد متاعنى يصلعو نهار لثنين) بخلاف جريدة البيان وين فما عناوين السجع الكروي و بطولات القسم الرابع و أخبار جبن زرزونة و نسر جلمة.... أما زادة كونمام مافماش علاش إذا كان صرفت و طبعت و قررت بش تعمل جريدة نهار لثنين كيما الصباح ألأسابوعي بش تحط خبار بالحق مش خبيرات كيفما هكة....

فوق هذا و ذاك كيفاش تنجم تتخيل يا السيد يا مدير التحرير إلي فما سفينة بخارية فيها علم أمريكا قبل 400 سنة... يرحم والديك شد ديكسيونار و ثبت قبل ما تطبع الجريدة

16 التعليقات:

Abdou يقول...

أفكار ليلية،
من البارح قعدت تخمم باش تكتب أفكار ها الصبحية؟
بالله سوهال: ليلية بوقتنا ولا بوقتكم؟

Tarek طارق يقول...

مازال ليل في أمريكا يا عبدو يا باهي... أقرى شوية جغرافية ماعظم شانك... كالعادة وحدك في التعليقات المتوسطة

Abdou يقول...

Mmmm; que c'est un plaisir de dialoguer avec des gens pareils.
bon,
نستعرف اللي مانيش نابغة لا في التاريخ ولا في الجغرافيا. دوتون بلوس ك، التاريخ ولاو يكتبو فيه بالفلوس. وافهم كان تنجم.
أفكاري متوسطة وهذا لأني أعيش في بلاد متوسطية، مناخها متوسطي والقدرة الشرائية فيها متوسطة برشة.
طول عمري نجحت بمعدل متوسط.
وطولي ووزني،زادة متوسطين.
وأصلي الأصيل من وسط البلاد.
خايف كان نواصل في التحليل، نوصل لصبع...

Tarek طارق يقول...

مانقصدش نقبة الوسط يا عبدو يا تحفون... ربي يهديك... نقصد التعليقات التاعبة و إلي هكاكة و برة... و إلي يسئل سؤال ما يستحقش جواب... أيا يا عبدو عيش وليدي...
أنا ماشي نرقد... نبقيك عليه

mahéva يقول...

هاذيكا مشكلة المشاكل عندنا، نصدقوا كل شي حتى كيف تبدى عندنا الإمكانيات باش نثبتوا من ألأخبار الصحيحة و الغالطة

Abdou يقول...

آه بون؟؟
كنت فايق ياخي وقتلي كنت تكتب؟
ملة وحيّد كحلاوي
mdrrr

Clandestino يقول...

"أنا ماشي نرقد... نبقيك عليه"
:DD
برافو عليك يا طارق

Big Trap Boy يقول...

الجهل مصيبة

كان قالو صدام قام من القبر كان خير

:D

حاسيلو ملاّ "وسط" إعلامي متخلّف

Abdou يقول...

شايخ

mahéva يقول...

@tous et spécialement BTB
ياخي إنتم ما شفتوش صدام طلعت تصويرتو في القمرة؟
لوّجو عليه هنا

http://leilabensoltane.blogspot.com/2007/05/blog-post_24.html

صحافي يقول...

نم على فؤادك ولا يربحك
أقرا نيوزويك خيرلك ولا محرمينها عليك في امريكا

Clandestino يقول...

مش باش نستغرب انّو " صحافي " يطلع صحافي بالرّسمي و من دار الصباح بالذّات

هذيك مستواياتهم و هذاك حد امخاخهم

يدورولنا خواطرنا بجرايدهم اللي ما تصلح كان لغسيل البلار و الباربريز
و يزيدو بكل وقاحة و قلة تربية يسيّبو الريق متاعهم في الانترنات

يا سيدي كي تحلت طيسكم الفارغة على الانترنات على الاقل استغلوها باش تطورو ارواحكم

Tarek طارق يقول...

أختنا عناقيد (عنب) الغضب، مرحبا بيك و سامحنا على هل الكوري إلي دخلونا فيه "عبدو" و "الصحافي"
شفت ياخويا كلاندستينو كيفاش يلزو فينا للغلط... أما هي ضحكة
سي "الصحافي" إذا كان هذا ما عندك بش تقول نتمنى أنك ماتكونش صحافي على خاطر عندي صحابي صحفيين مثقفين و يعرفو يركبو جملة كاملة
خونا "قايد الثورة" بالضبط هذاية هو الوسط المتوسط

Big Trap Boy يقول...

هاذايا ظاهرلي فيه يقصد "صحـّافي" يعني يتبّع في المذهب متاع سعيد الصحـّاف وزير الإعلام متاع صدّام

;)

Téméraire V5.0 يقول...

Khlattet en retard amma mé fibélich elli famma soufon boukhariya kbal 400 sné.

Méch menhom, melli yakra fi jarayédhom

lmhooo يقول...

有什么 有什么网址 有什么新闻 有什么博客 有什么论文
有什么图片 有什么音乐 有什么搜商 有什么帖客 天气预报