الإستنتاجات الأعمق لأحداث غزة

فما برشة إستنتاجات قاعدة تصير كرد فعل على الأوضاع في غزة... أغلبها بالطبيعة يعكس ردود فعل عاطفية فيها برشة أسف و حزن للإقتتال الفلسطيني... أما أنا يظهرلي إلي من أحسن الاستنتاجات هي إلي نلقاوها في التقرير التحفون هذاية في الواشنطن بوست متاع قلين كيسلر.... الملخص متاعو أنو الرؤية الأمريكية للمنطقة يعني من الزاوية متاع الإدارة الأمريكية الراهنة هي إلي تعرضت لضربة كبيرة... بلغة أخرى إلي يحصل في غزة ماهواش مؤشر على "فشل فلسطيني" بقدر ما هو فشل رؤية أمريكية للوضع الفلسطيني كانت تراهن على إمكانية دعم طرف على حساب طرف... فما تفاصيل و تعريجات أخرى في التقرير يلزمها تتقرى... لكنها لكلها تصب في اتجاه أن تسليم غزة لحماس من خلال إستفزازها (عبر تمويل أطراف معينة داخل فتح) كان نتيجة ضرورية لسياسة تعاملت مع الوضع الفلسطيني بتركيز محدود برشة... هذية مجرد قراءة أولية تستاهل أكثر تحليل