رئيس الوزراء المصري "الليبرالي" أحمد نظيف يعلق في مدونة "تروتسكي" مصري

خبر لفت انتباهي ليه منذ قليل الصديقة نهى عاطف.... المدونة بالمناسبة "على اسم مصر" يبدو أنها لمدون مصري (مصطفى محمود) "تروتسكي"... يعني السيد نظيف المعروف أنو "ليبرالي" ما يراش مانع الاطلاع على مدونات يسارية راديكالية... و الأكثر من هكاكة يعلق.. بالرغم من الشكوك في البداية أنو نظيف هو المعلق فإنو رئيس الوزراء المصري أكد لصحفيين محليين أنو هو فعلا هو إلي علق على تدوينة "خصخصة التعليم" في مدونة "على اسم مصر" (هنا و هنا)... حقيقة شي هايل بمعزل على النوايا الحقيقية ورا التعليق... أش بيه كان السيد الوزير الأول التونسي يدخل يعلق على المدونات التونسية و يوضح مواقفو من جملة القضايا المطروحة؟ خاصة أن منبر المدونات أكثر مصداقية من منابر أخرى ما يتبعها حتى حد...

بالمناسبة كنت أشرت في السابق (هنا) لاهتمام مجلس الوزراء المصري بموضوع المدونات... يبدو أنو تعليق نظيف جاي في الاطار هذاية....