السبت، أوت 02، 2008

حول "تجديد" اللجنة المركزية

بعض التقارير وصفت نتائج إنتخابات "التجمع" الداخلية و تحديدا انتخابات اللجنة المركزية بـ"المفاجأة".... مثلا التقرير هذا... النقطة الأساسية إلي نسبة "التجديد" 77 في الميا... قائمة اللجنة المركزية موجودة في وكالة الأنباء التونسية (هنا)... لفتو إنتباهي الزوز أسماء إلي في مراتب: 89 و 188... متأكد إلي رقم 188 أول مرة ينضم للجنة المركزية أما متشكك في رقم 89... على كل للمتابعة خاصة معنى التغيير الكمي الكبير هذاية... طبعا مش ممكن بش نقولو هذا يعكس تغييرات سياسية لكن هل من السهل تغيير بيروقراطية حزبية بالكم الكبير هذاية من غير ما يكون عندها انعكاسات على الأقل نوع من الغضب الصامت على من وقع التخلي عليهم.. بالنسبة لنسبة "الشباب" الكبيرة ما تعنيش "حل" لمشاكل الشباب... هذا ما يحتاجش محاججة... موضوع الشباب يحتاج الحكمة بالأساس و مش مهم مصدرها سواءا شبابية أو كهلة أو مسنة... خاصة أنو كم من شاب يخرف في رؤاه السياسية...

المفارقة إلي تقرير في صحيفة الحياة (هنا) يأكد مش على "التشبيب" لكن على "عودة الحرس القديم" على أساس وجود وجوه قديمة في المراتب لولة (بالنسبة لعدد الأصوات) كيف الهادي البكوش و الشاذلي القليبي...

لكن كيفما قالت الحياة إلي هذا ما يعنيش إلي تركيبة قيادة الحزب (يعني "الديوان السياسي") محسومة بما أنو رئيس الحزب هو إلي يختار أعضاءها بمعزل عن توزيع عدد الاصوات و الترتيب الناتج عليه... و هذاية إلي أكد عليه الناطق باسم المؤتمر كيفما أشارت جريدة الصباح (هنا)... الصباح تحدثت زادة على موضوع غياب أو عدم نجاح أسماء معروفة خاصة بعض الوزراء في الانتخابات (هنا)...

1 التعليقات:

tunisianblogger يقول...

Ya Tarek ya khoya ybaddlou ellajna el markazia wala ma ybadlouch la7keya ne changera jamais!!! Malheureusement!!!Tounes akber menhom el kol w men hezbhom mta3 ennifek we serka wel kedhb...!!! D'après ce que je vois ça va continuer ainsi sous forme d'une pièce de théâtre très mal conçue jusqu'au jour où le peuple se révoltera!!!! car tout est entrain de se dégrader d'avantage jour après jour pour les citoyens...