السبت، أوت 23، 2008

مدونة ضد الحجب... و إبداع في تكنولوجيا المراقبة متاع عمار بيه المصري

البعض منكم على علم أنو حتى مدونة ضد الحجب شملها مشروع المقص متاع عمار.... تم تحوير العنوان في الأثناء و تكتبت فيها تدوينات جديدة في النهارين إلي فاتو... العنوان الجديد مازال ماتمش إدراجو في تن بلوقس أو بقية المجمعات التدوينية (وقع إضافة العنوان الجديد في مجمع مدونات "تحت السور" في انتظار تصليح الوضعية في البقية)... هذاكة علاش المدونة مش ظاهرة برشة حتاش لتوة... على كل يمكن متابعتها هنا على عنوانها الجديد....

و في كل الأحوال مكبشين في الحوار مع عمار...

مادامني نتحدث في الموضوع هذاية حبيت نلفت الانتباه لمقال قريتو في عدد نهار الثلاثاء إلي فات متاع جريدة "العرب" القطرية يتحدث على تقنية جديدة متاع مراقبة مستعملي الانترنت في "مقاهي الانترنت" في مصر.... قبل الدخول للإبحار في الانترنت يلزمك تعمر "إستمارة" فيها المعطيات إلي تخصك الكل... و بعد الثتثبت فيها من قبل عمار المصري ("عمار بيه" كيفما يسمويه زملاؤو) تجيك رسالة "إس إم أس" على التلفون المحمول متاعك يأذنلك فيها بالإبحار... في قارب بلاستيكي بطبيعة الحال... الحقيقة إبداع شي كبير... وينو عمارنا من هذا الكل....

4 التعليقات:

Werewolf يقول...

الأكيد أنو مازالت تفصلو أشواط كبيرة على اللي وصلولوا جيرانو... أما شوف الإبداع وين يوصل بيهم... ظهرت حكاية فارغة بطاقة التعريف في البوبلينات

أرابيـكا يقول...

bonjour tarek

http://anti404tunisie.blogspot.com/
not found !!!

khayati يقول...

@Tarak
Salut
T'ai adressé deux mails URGENTS.
Prière répondre
merci

Vympel يقول...

les égyptiens traînent encore en ce qui concerne les technologies de contrôles de flux numériques (internet, téléphonie, radio transmission...etc.)donc ils tendent à inventer de nouvelles tendances qui reflètent les moyens rudimentaires (techniques & financiers)de leurs infrastructures...bref, nous sommes encore des as و معندكم ماريتو حتى الآن