حنبعل ضد سويسرا... يتبع
كنت تحدثت على الموضوع قبل (هنا)... لهنا هاو فمة تفاصيل أكثر و تصاور متاع التونسية و المغربي إلي تعرضو للضرب... بغض النظر على شنوة جرى و الملابسات إلا أنو روايح نتنة فاحت سايي... بالمناسبة بعد التهديدات و الوعيد الجماهيرية رجعت تصدر في النفط لسويسرا.. السيناريو المتوقع حسب جريدة لوتون السويسرية متاع اليوم (هنا) أنو سويسرا مش بش تقدم اعتذارات لكن ممكن ياسر توقف بشكل تدريجي و هادئ الاجراءات ضد حنبعل و مرتو بذريعة ممكن متاع حصانة ديبلوماسية.... علاش مش من لول تم علاج الموضوع بعقلانية و ذكا.. و بصمت و بأقل فضايح؟!
2 التعليقات:
فضايح بالنسبة لمن ؟
إذا كان للقذافي ، القذافي يعتبرها شهامة ورجولية ولذلك قامت مظاهرة كبيرة مساندة لولدوا وتم توقيف مواطنين سويسرين. الفضيحة هو أنو الحادثة هاذي تتعدى بشكل طبيعي .الفضيحة أنوامواطنين ليبيين يتظاهروا على خاطر ولد الزعيم متاعهم داس على القانون في بلاد الناس ويحسابوا سويسرا مزرعة لولد القذافي كيف ليبا بالضبط . الفضيحة أنو اقتصاد ليبا يستعملوا القذافي باش يضغط بيه على بلدان حتى لا يطبق بها القانون لفائده الشخصية
إي هذومكة هومة الفضايح و القايمة أطول.. كيفما تحدثت عليهم و بأكثر تفاصيل المرة الفايتة كيف علقت على الموضوع...
إرسال تعليق