الخميس، أوت 14، 2008

لا للقرصنة... و العجز عن مقارعة الحجة بالحجة

لم أتعود على التصرف بأفكار مسبقة مع أي كان... لذلك فإنني لا أتردد في محاورة أي قادم جديد سواء في الحياة العامة أو الافتراضية... في هذا السياق لم أتردد في الحوار مع "محمد تيتوف" صاحب مدونة "حركة المقاومة الافتراضية" عندما دخل عالم المدونات بما في ذلك الدفاع عن انضمامه لمجمع التدوين "تن-بولقس" (هو و غيره من بعض المدونات الجديدة التي لازلت أحترمها) و دعوته لحوارات الرديون لتوضيح آرائه و الدفاع عنها.. و لكن إثر تلميحات قام بها على مدونته و بعض المؤشرات على ذلك في حوارات قام بها مع مدونين آخرين في خدمة "الأم أس أن" بأنه سيقوم بعمليات قرصنة حذرته من الأمر و شددت على أنه لا أقوى من الحجة الفكرية لمقارعة خصومه بمعزل عن آرائه... و نبهته أنني سأكون أول من يقف ضده في حال قيامه بهذا الأمر المشين... و وعدني آنذاك بأنه لن يسقط في هذه الأفعال التي تعبر عن العجز الفكري... غير أنه ما راعني اليوم إلا قراءة تدوينته هذه التي يعلن فيها بكل صفاقة تعديه على حرية الآخرين من خلال ممارسة ما أجمع المدونون على مواجهته بما فيهم هو من خلال إنشاء مدونة "ضد الحجب" و الوقوف أمام "مقص عمار" (بالمناسبة هو نفسه من أطلق هذه التسمية على "مهندس الحجب").... لذلك فقد تم إقصاؤه من هذه المدونة لأنه لا حرية لمستئصلي الحرية.... و أدعو مجمعات التدوين (تن-بلوقس" و "توني-بلوقس" و غيرها) لإقصائه من الفضاء المدوناتي....


كما أني أعتبر أن مثل هذا الموقف لا يعبر عن نزاهة و صدق الكثير من المدونات خاصة منها الجديدة التي التحقت أخيرا بالفضاء المدوناتي و الي تتقاطع في آرائها مع هذا المدون من خلال الدفاع عن هويتهم الدينية و هو ما يدخل ضمن حقهم الكامل في التعبير.... إن أكبر تشويه للإسلام و قضايا الاسلام هو العجز عن الدفاع عنه بالحجة و بالكلمة مع من يستعمل الحجة و الكلمة و الاستعاضة عن ذلك بالعنف المادي أو الافتراضي من خلال القرصنة.... كما أن أكبر تشويه لحركات "المقاومة" و قضاياها العادلة هو إقحامها في هذه الآسان الاستبدادية... هذا إذا كان هذا المدون صادق فعلا في الدفاع عن الاسلام و قضاياه و هو الأمر الذي لم يعد من الممكن إلا الشك في صدقيته و نزاهته... إن إيماني بحتمية الحوار مع بعض الشباب التونسي الذي ربما يؤمن بأطروحات سياسية و دينية تنحو للتطرف لا يعني قبول زيغهم من التعبير الفكري إلى ممارسة الغصب و التعدي على حقوق الآخرين... و رغم صعوبة ذلك فإنه لا يوجد بديل عن السير في هذا الطريق الصعب و لكن الضروري من خلال التوفيق بين هذين الأمرين...

ملاحظة أخيرة: بما أن هذه المدونة تعمل في إطار موقع "بلوقر" التابع لشركة "قوقل" فإنه من المتاح تقديم شكاية يتم من خلالها وقف حساب هذه المدونة و عنوان "جيميل" الالكتروني التابع لها و من ثمة كشف هوية الفاعل و تتبعه عدليا... يمكن لأي مستعمل لبلوقر تقديم هذه الشكاية من خلال هذا الرابط

تحديث: يبدو أن موقع "قوقل" قام منذ قليل بإلغاء هذه المدونة من قائمات المدونات التي يمكن تصفحها للعموم.... لمن لم يستطع الاطلاع على التدوينة المذكورة أعلاه هذه صورة لها

40 التعليقات:

Mossaab مصعب يقول...

أولا انا نشك في الحكاية الي يحكي فيها السيد هذا
طريقة كلامو ووصفو لعملية القرصنة تدل على سطحية معرفتو بالميدان هذا ممكن الحكاية كانت تقصير امني ...
على كل حتى لو فرضنا انو قام بيها فعلا فهو يلعب بالنار وانا ننصح السيد او الشركة المتضررة تتبعو عدليا ,تقنيا مفماش ما اسهل من كشف هويتو وما عندو وين يهرب وقتها يتعلم درس انو ما يلعبش بحاجة ميفهمش فيها برشا

3lulu يقول...

C'est du terrorisme virtuel, je suis outré, et si cette personne pense intimider les gens de la sorte et bien elle se trompe. merci Tarek de cette prise de position. D'autre part, il est vrai que moi aussi je me suis posé la question sur l'authenticité de cette attaque sachant que bien d'autres blogs encore plus virulants envers l'Islam n'ont pas été ciblés... mais cela reste un petit doute ce qui ne m'empêche pas de clamer ma solitude avec la victime

أرابيـكا يقول...

كنت قد تحدثت منذ قليل مع مجموعة من الاصدقاء لضرورة التصدى لهذا العمل المهين الذى اتى به تيتوف والذي لا يمت الى اخلاق المسلمين بصلة غير انّك كالعادة سباق دائما لقول كلمة حق شكرا لمبادرتك لا أستطيع الا ان احييك على ما قمت به الى حد الآن

WALLADA يقول...

نحييك طارق على تجرّدك و صدقك و وقوفك بجانب الحق .
في الحقيقة أنا أصبت بخيبة أمل من الجوّ المشحون من غير داعي ، بالعكس في الظرفية الحزينة متاع فقدان محمود درويش و تضامننا الكل مع مدوّنة الناقد الي تحجبت ، و عبّرنا على تكاتفنا في حركة رائعة يجي تيتوف يسمّم الأجواء و اللّه لعب وليدات صغار .

ابوناظم المرزوقي يقول...

شكرا للتوضيح طارق ...انا بديت نشك انو هو اللي سرق المعلومات اللي خلاتو يدخل للناقد بعد حجبها ويكتب باسمها مقالات ما عندها حتى معنى لضربها وضرب مصداقيتها...
هذا امر خطير جدا

HNANI يقول...

الكلمة هذه لتيتوف
شفت يا تيتوف أعيكا جات براسك,,, حاي تلعب بالنار؟ أهيكا حرقتك,,, قول توا مازال مازال
في الحقيقة راني أنا ضد الحجب، حتى مع تيتوف ن ربي يهديه

Bechir يقول...

ما نعرفش علاش ما تصدمتش كيف سمعت الخبر هذا... ممكن على خاطر مطالعتي لكتابات تيتوف وخصوصاً بعض تعاليقو (إلي منها إلي على المدونة متاعي) خلات الفعلة الأخيرة متاعو تجي في إنسجام تام مع الفكرة إلي كنت واخذها عنو.

على كل، حاجة باهية كيف جماعة "غوغل" سكرولوا المدونة متاعو.

أما بصراحة عجبتني ياسر "وحاول شن هجوم اتوماتيكي عكسي لكن تم احباطه" في التدوينة متاعو وما نجمتش نمنع نفسي من الضحك رغم تعاسة الموقف...

lina ben Mhenni يقول...

Je pense que Titof a récolté ce qu'il a semé en se faisant exclure de la recherche google.Ce monsieur n'arrête pas d'insulter les autres sur leurs propres blogs. Ce qu'il a fait dernièrement ,et comme a dit alaedine ben abdallah, ne peut être considéré que comme terrorisme et extrémisme et j'appelle Bou5ari à continuer ces belles écritures et ne pas baisser les bras devant des actes médiocres comme celui de Titof. Merci Tarek pour ce post.

Zied- زياد يقول...

baba tarek ! wahdek hassilou !

romdhane يقول...

شي يعمل العار يا تيتوف شكرا طارق لمصداقيتك

khayati يقول...

Il a récolté ce qu'il a semé. Dommage pour lui. Mais des types comme lui renaissent de leurs cendres pour enquiquiner le monde... Le virus qui l'a touché est incurable. Et il y en a plein comme lui dans notre pays et notre culture et... de tous les bords (n'est-ce pas Tarak?)

Tarek طارق يقول...

جميع المعلقين الفوق... فمة حاجة برك ما قلتهاش... أنو الوضعية هذية (و نقصد بالتحديد التعدي بالعنف كيف القرصنة مش مجرد "الشتم") وضعية مؤلمة حقا... و كيفما قالت هناني حتى حد ما يتمنى الحجب... و برغم هذا الكل فإنو مش ممكن إقصاء أي كان من وطننا بمعزل على الأفعال إلي يعملها...

الخياطي... ما فهمتش سؤالك في آخر تعليقك أما فقط حبيت نقول إلي مش مناسب تأويل الوضعية هذية في اتجاه تبرير منع تيارات فكرية معينة بما في ذلك إلي نقولولها "متطرفة" (على اليمين و اليسار) منعها على أساس رأيها... في المقابل بمجرد ضربها لقوانين الحوار من خلال التعدي بالعنف (المادي الواقعي أو المادي الافتراضي) فإنو هو وحدو حط روحو في وضعية جديدة... و مرة أخرى هذا ينطبق على الجميع و ما يختصش بتيار فكري محدد...

بخاري يقول...

أخ طارق/ مشكور على تدخلك... و اعذرني لاستغلال مدونتك التي لتبيين بعض الخصوصيات...
فوجئت صبيحة احد الأيام بما حصل للجيمايل بتاعي، لم أشك في بداية الأمر في السيد محمد تيتوف، ذهلت و استغربت... رسائل مازلت لم أطّلع عليها وجدتها مقروءة، معظم الرسائل التي تخص معاملاتي بالشركة (و هي أوامر و تعليمات ليس إلا، يتم استغلال الايمايل لارسالها فيكون حجة، أسرع من الفاكس لأنو التكليف يصل في الحين و يمكن الاطلاع عليه من أي مكان)... لفت انتباهي رسالة مرسلة من طرفي لم تصل و قد وصلني تعقيب يبين وجود خطأ في العنوان، و تبين بعد ذلك ان الايمايل المرسلة إليه هو للسيد تيتوف هذا... حينها عادت بي الذاكرة للفيروس الذي حاول السيد إرساله عبر الـ ام اس ان... هذه هي الحكاية، ولم أقل ما قلته لإلا بعد أن تأكدت من أن الايمايل المذكور يعود إليه... حتى و إن كنت أشك أحيانا في ما وجهته له من اتهام، فما قاله اليوم خير دليل على صدق شكوكي...
راسلني العديد من المدونين، ذكرت البعض منهم و لم أذكر العديد بعد أن تم تنبيهي لسعي البعض للحفاظ على خصوصيته...
قيل لي أن هجومه قد يكون بسبب لهجتي المصرية التي تغلب على حديثي... أقول لكم سادتي الكرام، أنني تونسي الدم، تونسي الجنسية، لأم تونسية ترقد في مقبرة تونسية... مصري الأب، هذا صحيح، عشت طفولتي بمصر، درست الابتدائي بمصر، الثانوي بتونس، تحصلت على الباكالوريا بتفوق مما أهلني للدراسة بفرنسا... و كنت كالرحالة بين مصر و تونس، هناك ألقّب بجمال التونسي، و هنا ألقب بجمال المصري...
قيل لي أيضا أن هجومه قد يكون بسبب ما تحمله كتاباتي من عبارات إباحية ماجنة، مما يجعلني في نظره كمسؤول عن الدفاع عن القيم الإسلامية، كافرا... في هذا أقول له كما يقال عندنا (روح العب غيرها)... لو كان على ده، فأنا مسيحي، و خانة الديانة في بطاقتي المصرية مدوّن عليها أنني مسيحي...
قضيت بضع سنوات من طفولتي في مصر أذهب كل أحد مع عمي جمال إلى الكنيسة، فأمرح و ألعب و أصمت عندما يلزمني الصمت... كما قضيت بضع سنوات في تونس، أذهب مع خالي جمال أيضا (تسميتي جمال كانت إرضاء لكل الأطراف) إلى الجامع، فأسجد و أركع و أصمت عندما يلزمني الصمت...
قضيت طفولتي متأرجحا بين الكنيسة و الجامع، دون أن أكون مهتما لا للأب و لا للإمام، لم أستمع لأي منهما يوما... شاركت في مراسم جنازة والدي بكنيسة مارمرقص بمنوف، كما أدّيت صلاة الجنازة على والدتي التي ترقد بالجلاز...
لا أريد الخوض في المسائل الدينية لأني أراها أمورا عقائدية، و كل شخص حر في اعتقاده ما لم يضر بشخص غيره و لم يمسّ من حرّيته
ارجع للعبارات التي يقال أنها إباحية... أحترم المرأة بل و أقدسها، و ما يرد في حديثي بعض من كثير، إن كنت انا قد اعتبر ذكري له جرأه محرّمة، فهذا ليس ذنبي، بل ذنب الانغلاق و الكبت الذي تعيشه مجتمعاتنا... تلك كتاباتي أعزّتي و ذلك أسلوبي، و لن أغير من قلمي حتى أعجب عمرا أو زيد
أعود فأعبر لك عن شكري و امتناني لاهتمامك بالمسألة، و إن كنت أستشفّ من خلال مراجعتي للتعاليق و آراء بعض الأصدقاء من المدوّنين و المدوّنات الذين راسلوني، أن ما حدث كان عثرة للسيد محمد تيتوف ينتظرها له الكثيرون...
أحمد الرب الذي جعلني سببا لتكشف لكم بعض من حقائق أظنها كانت غائبة عنكم...
ربنا مع الجميع

samsoum يقول...

Bravo Tarek. Indépendamment des idées que cette personne défends. Il a choisi le pire des moyens pour le faire. Ce n'est pas nouveau et ca arrivera encore. Ce qui est nouveau. c'est qu'on voit bien que cette blogosphere est responsable, mature et assume ses fonctions a travers tout les bloggueurs.
Un jour, j'espère qu'on pourra faire de même dans le monde réel.

Bachbouch يقول...

Je viens de lire ce poste. Bravo pour cette clarification!
Kes kil se croit ce Titof???? . Si quelqu'un connait son compte Yahoo ( s'il en a un ), envois le moi a blogtunisien@gmail.com ...
Yahoo, Google et Microsoft on zero tolerence pour ce genre de conneries.

3amrouch يقول...

كنت اتابع فى صمت ما يحدث رافضا الدخول فى مثل هذة المناظرات
اتذكر كم الهجوم الذى تعرضت له شخصيا منذ اشهر واتهامي بالباطل من قبل بعضهم وعلى راسهم المحترم القاضي اليحياوي باننا خططنا بدقة لتحويل الانظار اتذكر كل هذا ويستحضرني ماتعلمته منذ زمن ان مبدأ الحوار يفترض نسبية الافكار .....عند كل الافكار المتحاورة .....ولا يعترف بمطلقات ويرفض اليقين نعم يرفض اليقين وهذا مااراى انكم قد تناسيتموه
هاهكذا تقاد الابل ياجماعة انحارب الحجب بالحجب؟
امن يعاني من وطاة الحجب والوصاية (نعم الوصاية اذ مازالو في 2008 يختارو لنا ما نشاهد ومالا تجوز مشاهدته ولذا حجبو عنا يوتوب لحمايتنا) بقادر ان يذيقها غيره؟
إذا تخيلتم ان القمع قد ينجح لقتل فكرة ما لا تروق لكم فأنتم واهمون لانكم أردتم اسكات صوت بالقوة دون مقارعة حجة بحجة كما تتدعون
انا ضد ماصدر من تيتوف وادين الفعل حقا ولكن ايضا ضد ما فعلتموه يااصحاب الكلمة الحرة
تصرفكم يحسب عليكم لا لكم
نحن كلنا مستعدين لنتصدى بكل قوة للجهل والتخلف والرجعية وعمليات القرصنة ولكن ليس بالحجب والعزل
اين كنتم لما تكلم السفهاء واطنبو في فحشاء القول؟
اين مافعله تيتوف على شناعته من مافعله اولئك الاشقياء البهائيميون من تطاول وكفر صريح
من منكم بعث برسالة لبلوقر وطالب بتنحية من خدش الحياء وتطاول على اللله تعالى؟
. يحضرنى هنا قول جبران: كن أمينا صادقا مع الناس، لا لأنهم يستحقون ذلك، ولكن لأنك أنت لا تستحق أن تكون غير ذلك فلماذ لا نكون صادقين مع انفسنا ونتعامل مع الناس بما نحب ان يعاملنا به غيرنا؟
شبابنا ياجماعة هم من من شملهم التغيير بعنايته فالى متى سنظل نتفرج عليهم متسكعين في الشوارع يشاكسون ويحششون، مغامرين في البحار يغرقون أو ينجون فيذلّون
شبابنا وتيتوف من ضمنهم ليس مجرما بل محبط ناقم شبابنا يفكر ولكنه لا يحظى الا بالرفض والاقصاء يولد الكره والحقد ويوادي الى العنف الذي رايناه
في هذه القضية اردت ان اكون محايد ولكن عتابي موجه بدرجة اولى لتيتوف وبدرجة ثانية لكم جميعا مذكرا اياكم بقول الله تعالى" ( افنجعل المسلمين كالمجرمين مالكم كيف تحكمون؟؟؟)
لقد اخطا تيتوف حقا وتجاوز الخطوط الحمراء والصفراء والزرقاء ولكن.... هل الحل في الاقصاء والتجاهل؟
اراهنكم انكم قد اغلقتم في وجهه مراسلاتكم ومحادثتكم كانه مريض معدي
الان وقد هدات العاصفة قليلا حان الوقت لتراجعو انفسكم قليلا
وتحاول مناقشة الامر بهدوء ولاداعي لصب الزيت على النار

3amrouch يقول...

تيتوف لايمثل المسلمين
هو انسان يجتهد فيخطىء ويصيب فلا داعي لتذكيرنا بين الفينة والاخرى باخلاق المسلمين رجاء

أرابيـكا يقول...

عمروش
تي اخطانا بربي من قول تيتوف لا يمثل المسلمين امالا في حملة 15 جوان فى شنوة كان يمثل (في مسلسل هزلي) تي شنوة توة باش نرجعو نغطو عين الشمس بالغربال ولا داعى لتذكيرنا باخلاق المسلمين رجاء :))
يا والله احوال تنقلب وتتقلب كيفما اتّفق

3amrouch يقول...

الرائعة على الدوام اربيكا
تيتوف او غيره وانا من ضمنهم لا نمثل الاسلام ولسنا اوصياء عليه اوناطقين باسمه
حملة 15 جوان كانت مبادرة عفوية(تحبو حتى موش عفوية موش مهم تقضي ههه) من جماعة استفزتهم حقارة البعض وتدني مستواهم فاردو فقط التعبير وتصرفو من منظور افكارهم بصرف النظر عن كون هذا المنظور ضيقا او رحبا،وقامو بمجهود يذكر عند البعض فيشكر وعند البعض الاخر فيضحك (مسلسل هزلي او مسرحية كلها كوميديا)
شخصيا لم ارى في كتابات بخاري مايبرر تصرف تيتوف والذي والحق يقال لايبرر ولكن ان نرجع كل شيء الى اخلاق المسلمين فذلك مما لايجوز،فعندما نقرا عن محجبة ترقص فوق طاولة نتحدث عن اخلاق المسلمين وحين نرى فتاة تترنح من الخمر وتنشر صور ها للتوثيق نتحدث عن الحرية الشخصية ،هذا مااردت التلميح له وهو سياسة التعامل بمكيالين
الناس الكل تغلط وحد ماهو معصوم ونحاولو نعملو مجهودنا ولكن ديما مقصرين وهذا لا دخل للاخلاق وللاسلام فيه
كيف رينا في الجزائر ناس تذبح في رضيع ويتجرا يوجه للقبلة ويسمي عليه ويقول الله اكبر زادة موش معقول نحكيو على الدين في الحالات هذي و
لا على الاخلاق

islam_ayeh يقول...

شخصياً كي بديت نقرا إل تيتوف كنت في أغلب الأحيان نضحك وانقول ملا مقربع وما ناخذوش على محمل الجد خاصةً في تدويناتو المستفزة إلي يستعمل فيها لهجة عنيفة متاع سنشن الحرب... كان في بالي إلي هو إختار طريقة تعبير مبتكرة و طريفة باش اجاوب الجماعة إلي غلبو عليه ! وكيما انقولو ما دوا الفم لبخر كان السواك الحار...

حادثة القرصنة إلي تبناها في تدوينتو الأخيرة خطيرة جداً! وبالطبع تعتبر تصرف مجاني ما عندو وين إوصل لأن المواقع المعادية للإسلام ستظل تتكاثر ولا يمكن القضاء عليها بالقرصنة وكلنا رينا كيفاش مصير رجع لها موقع الحملة ضد الحجاب في الفايسبوك...

لكن قبل اقصائه من مجمعات المدونات وقبل مراسلة غوغل لإغلاق مدونته كنت إنحبذ نتحاور معه لفهم ماذا فعل بالضبط ؟ (هذا إن كان فعل شيئاً!) ما هي دوافعه ؟ ثم اثر ذلك مناقشته ومحاولة إقناعه بالأسلوب الأمثل للتعايش...

كما قال عمروش فما عباد عملت عمايل أشنع برشة ملي عملها تيتوف لكن التعامل معها لم يكن بمثل هذه السرعة وهذا العنف !

Bechir يقول...

عمروش،

يظهرلي عندك خلط كبير في المفاهيم. الحجب هو إخفاء شيء ما عن أعين وآذان الناس. إلي قاعد يصير هوني ما هواش حجب بما أنو لم يقع إخفاء ما اتى به تيتوف. وزد على ذلك، طارق حط صورة للتدوينة متاع تيتوف للجماعات الذين لم يتسن لهم قراءتها. إذا كان هذا يعتبر عندك حجب، ماذا بي تقولي شنوا إلي "موش حجب" عندك.

بالنسبة لغلق المدونة متاعو، وفي صورة ما إذا كان تم بواسطة غوغل، فهاذا يسمى إجراء عقابي لأنه قام بإعتداء مباشر ومادي على شخص آخر.

بالنسبة لسؤالك عن موقع "مافعله تيتوف على شناعته من مافعله اولئك الاشقياء البهائيميون من تطاول وكفر صريح"، نقلك إلي من منظور إنساني، ما فعله تيتوف أشنع بكثير لأني رغم اختلافي الشديد مع الذين تنعتهم بالأشقياء، لم ار أحداً منهم يعتدي بمثل طريقة تيتوف على مدون آخر. ثم إذا كان ما قام به ظهرلك بهذا السوء، لم لم تشتك أنت نفسك إلى موقع غوغل؟

وأخيرا، بالله حكاية "انسان يجتهد فيخطىء ويصيب" سيب عليك منها لأنها ولات مطية سهلة. حتى بن لادن ماشي في بالو إلي هو يجتهد زادة... ماقام بيه تيتوف خطأ جسيم استوجب ردا في منتهى الحزم لكي يكون عبرة لغيره.

إسلام ايه،

"...وبالطبع تعتبر تصرف مجاني ما عندو وين إوصل لأن المواقع المعادية للإسلام ستظل تتكاثر ولا يمكن القضاء عليها بالقرصنة وكلنا رينا كيفاش مصير رجع لها موقع الحملة ضد الحجاب في الفايسبوك"

يعني إذا نهار نلقاوا وسيلة تمكننا من القضاء على كل المواقع المعادية للإسلام، مع ضمان عدم عودتها من جديد، تولي إنت موافق مع ما فعله تيتوف؟

"لكن قبل اقصائه من مجمعات المدونات وقبل مراسلة غوغل لإغلاق مدونته كنت إنحبذ نتحاور معه لفهم ماذا فعل بالضبط ؟ (هذا إن كان فعل شيئاً!) ما هي دوافعه ؟ ثم اثر ذلك مناقشته ومحاولة إقناعه بالأسلوب الأمثل للتعايش"


الوضع الخاص بيه في غوغل مازال يعمل، ولو أراد توضيح وجهة النظر متاعو لفعل.

Sofiene Chourabi يقول...

@ Tarek
انحني هذه المرة احتراما لك لموقفك الشجاع والنبيل.

islam_ayeh يقول...

@bechir
Je ne partage pas vos idées mais je me battrai jusqu'à la mort pour que vous puissiez les exprimer

Toutefois, je vous demanderais de vous exprimer poliment...

Bechir يقول...

@islam_ayeh

et où est ce que vous la voyez, l'impolitesse?

C'est tout ce que vous avez trouvé pour répondre à ma question?

Je finirais par croire que vous avez choisi cette manière évasive pour ne pas répondre.

ـ

zabratfromgeneva يقول...

Tu te rapelles Tarak quand je t'ai prevenu du Tartuffe qui someillait en Titoff et quand je t'ai dis que l'un de ses mails comportait un Spyware qui bloque les seveurs POP sur mon Laptop.
Je salue ta volonte a avoir defendu son droit a la parole mais il s'est avere pire que 3ammar.Je salue aussi en toi cette initiative que de l'empecher de propager ses pratiques et ses idees enturbannees.

islam_ayeh يقول...

@bechir
chbih mokhek mcha leb3id ? la évasive la wélou!!
Je suis très occupé et donc j'ai répondu très rapidement!

J'ai écris une citation qu'on attribuait faussement à Voltaire. le "tu" ne te visait pas personnellement! Je voulais juste dire que j'étais pour la liberté d'expression à condition qu'elle se pratique avec un minimum de politesse!

D'ailleurs, c'est bien de voir les "infidèles" s'exprimer. comme ça on aura l'occasion de leurs répondre! :-)

pour plus d'info tu pourras jeter un coup d'oeil sur la 3ème note publiée sur mon blog. Je m'étale largement sur ce sujet!

3amrouch يقول...

بشير
راو كان باش نشدو ونبداو نلعبو بالكلام باش نبعدو على جوهر لحكاية مايساعدنيش برشة على خاطر الامر عندي اجل واخطر من اننا نقعد ندورو في حلقة مفرغة ونعملو درس بلاغة ولغة ولذا نقلك باهي موش حجب ام اقصاء وقع اقصاء تيتوف باهي هكة نجمو نواصلو .
بالنسبة لغلق المدونة متاعو، وفي صورة ما إذا كان تم بواسطة غوغل، فهاذا يسمى إجراء عقابي لأنه قام بإعتداء مباشر ومادي على شخص آخر.
باهي ثبتت انت من الحكاية؟
تاكدنا نحنا بادلة قاطعة ولاتحتمل التشكيك انو فمى فعلا عملية قرصنة وانو هو من قام بذلك
خويا بشير افهمني عيشك مانيش لاندافع على تيتوف ولا على الي عملو فهو ليس بقاصر وليس بحاجة لي ولكني لا احب محاكم الظن فالمتهم بريء حتى تثبت ادانته وزد على ذلك البينة على من ادعى وهذا هام جد فكيف يترك تيتوف مدونة الهالك وزبانيته وغيرهم كثير ممن لا يحملون له ود وانت من بينهم ويهاجم وافد جديد ليس له الا نص اواثنان بصرف النظر عن قيمتهم(لاحظ انني لا اقدح ولا اشكك في كلام ولا قيمة خياطي وكنت من الاوائل الذين بعثو له رسالة تعاطف) هل يعقل هذا؟
حاول ان تقنعني.
نقلك إلي من منظور إنساني، ما فعله تيتوف أشنع بكثير لأني رغم اختلافي الشديد مع الذين تنعتهم بالأشقياء، لم ار أحداً منهم يعتدي بمثل طريقة تيتوف على مدون آخر...
هذا مانجاوبكش عليها لانو كل واحد واولوياتو وافكارو في الحياة وانت حر وزيد تو يجيك نهار وتفهم انو تعرضي لهاك الفئة الضالة موش كان على اساس تهكم على الدين ولكن نكره الخبث والخبثاء والناس الي تلعب على الحبلين وعايشين بالف وجه وستثبت الايام اقوالي.
. ثم إذا كان ما قام به ظهرلك بهذا السوء، لم لم تشتك أنت نفسك إلى موقع غوغل؟
ساهلة برشة ماتعودتش نعطي وذني ونصدق فيسع كل مايقال او ينشر ،دراستي علمتني نبحث وحدي عن مصادر الخبر ونسمع الراي والراي الاخر ونثبت قبل نتهم الناس هذيكة طبيعة فيا يمكن راجعة لتاثري بجدي رحمه الله(كان قاضي)يسمع برشة ويتكلم شوية وكيف ياخذ قرار يكون عن حكمة وترو وبدون تسرع.

3amrouch يقول...

هههههههه
وقع خطا ذكر اسم "خياطي" في سياق الحديث واردت قول "بخاري" لا "خياطي" هههه
Lapsus révélateur
تبا لك فرويدا
فعذرا خياطي لست المقصود هنا

3amrouch يقول...

التعليق هذا حطيطو في مدونة طارق محبش يتعدى
هيئة المحكمة الافتراضية
حضرة القاضي طارق الكحلاوي ههههههه
حضرة المدعين و هيئة المحلفين ههههههههه
المتهم ...تيتوف
التهمة القرصنة و نشر افكار متطرفة و التجول بالناسف من الاحزمة في البلوغسفار و العمالة لجهات مجهولة و تهديد الامن البلوغسفاري و الاعتداء على حرية التعبير
الادلة
اعترافه و الاعتراف سيد الاعتراف
المدعي بخاري
ههههههههه
ملابسات القضية حسب المدعي هههههههه
فتحت بريدي الالكتروني و اكتشفت ان تيتو ف قام بقرصنتي بعثلي حصان
اغيثوني اغيثوني
هههههههههههه
الشاهد الاول
مصعب
أولا انا نشك في الحكاية الي يحكي فيها السيد هذا
طريقة كلامو ووصفو لعملية القرصنة تدل على سطحية معرفتو بالميدان هذا ممكن الحكاية كانت تقصير امني ...
على كل حتى لو فرضنا انو قام بيها فعلا فهو يلعب بالنار وانا ننصح السيد او الشركة المتضررة تتبعو عدليا ,تقنيا مفماش ما اسهل من كشف هويتو وما عندو وين يهرب وقتها يتعلم درس انو ما يلعبش بحاجة ميفهمش فيها برشا
الشاهد الثاني علاء الدين ابن عبد الله
انه ارهاب
انا مصدوم سيقتلنا جميعا انقذو الحلم في دولة فيها حرية التعبير
الشاهد الثالث
ارابيكا
عملنا اجتماع و اتفقنا انو الشي هذا خارجد عن الاخلاق الاسلامية
اما كي عاشور و جماعتو يجرحو و يسبو متعملوش اجتماع كيفاش قالو تسريب الرمال
الشاهدة الثالثة
الهايج تجي في راسو ههههه
لواه ترى فيا نسرق في العولة من السطوحات مع احترامتي و للمحكمة متاعكم
الشاهد الثالث ههههههه
صوت الحكمة ابو الناظم
شد شد سارق ههههههههه
بجاه ربي ثماش تهمة اخرى
عيب عليك راو ومن بعد تقعد تطلب في السماح كالعادة
الشاهد الي مبعدو هناني
امي هناني هيا تجي تخدم معايا رام يخلصو مليح
الي مبعدو
بشير
اسمع خطفنا واحد كافر تجي تحضر عالذبيحة
الي مبعدو السيدة الي متع البرة
و الله شي يحشم انسان اقصى امانيه كعبة شراب حاشى هالمحل يحكي عالانسان ههههه
مفيبلكش الي الانسان وقت يغيب عقلو يفقدها الصفة هاذي بطريقة اتوماتيكية
يا خويا اش نموت على دين امها كلمة اتو ماتيكية
رمضان
منعرفش علاش ذكرتني بغناية الافريقي
روح ّّّّّ*****لدوار
خياطي
انا نعرف و انا وحدي نمتلك الحقيقة السيد هذا فيروس خطير دوحي دوحي يا مباركة عيطة و شهود على ذبيحة قنفود
زبراط
ماني قلتلكم اي استفرد بي مرة و اعطاني الحس
بشرى للعلمانين و اللادنين انا رقم 7 الي ننسحب و مقعد كان عمروش و اسلام اية شوية مجهود وتهم تنجمو تقرقشوهم هههههههه هيا اثبتو عاد رام زوز و الشوكة البليدة قلعتوها
دعوة الى من يسمون انفسهم الاسلامين المعتدلين
ميسالش عاود اقراوه الاسلام و اسئلو المشايخة و متحكيوش كلام من ريوسكم و تنسبوه للاسلام

كيما قلتلكم الرد متاعي في مدونة عمروش
http://scoubidou1.blogspot.com/2008/08/blog-post_5761.html
و الله صدقوني اعملتولسي ضحكة عالمية الزح هذا الكل مافيكم حد يفهم في الاعلامية هههههههه

صديقي طارق كنت نتمنى انو ردة فعلك تكون سريعة في مواضيع اخرى كيما و قت عياشي من المرسى كتب في مدونة لا للحجب نحيو ربو الخوف
هيا ربي معاكم
ههههههههههههههههه
تيتوف

titof يقول...

شكرا عمروش

Bechir يقول...

إسلام ايه،

عذراً على سوء الفهم.

عمروش،

"باهي ثبتت انت من الحكاية؟... ولكني لا احب محاكم الظن فالمتهم بريء حتى تثبت ادانته وزد على ذلك البينة على من ادعى"

أية باهي، ماداماك تعرف "المتهم بريء حتى تثبت ادانته" و "البينة على من ادعى"، مالا زادة لازم تعرف إلي فما مثل آخر يقول "الإعتراف سيد الأدلة". والسيد هذا إعترف وتبجح في التدوينة متاعو بقرصنته لمدونة بخاري وصفحة على الفايسبوك. بالنسبة لي التبجح هاذا يكفي باش ينال العقاب إلي نالو. وعلى فكرة، سنحتلي الفرصة باش نشوف التدوينة متاعو (يعني موش كان عن طريق الصورة إلي حطها طارق، والتدوينة هذي مازالت مسجلة في قارئ ال"آر إس إس" إلي نستعملو). يعني مسألة الإدانة متاعو من عدمها، هي مسألة مفروغ منها... اللهم إلا إذا يكون هو إلي تعرض للقرصنة، والسيد إلي قرصنه مشى قرصن بإسمه مدونة بخاري... أما يظهرلي السيناريو هذا إحتمال وروده ضعيف ياسر خصوصاً أنو تيتوف لم يصدر عنه أي رد فعل.

"...وغيرهم كثير ممن لا يحملون له ود وانت من بينهم..."

أنا لا أحمل له لا ضغينة ولا ود. المناسبات إلي ظهرلي مناسب فيها أني نرد عليه، رديت فيها عليه بكل صراحة... وإلى اليوم إلي قام فيه بالفعلة متاعو، كنت ديمة نعتقد أن القيم المشتركة بيناتنا أكثر من القيم إلي نتقاسمها مع من يعتبرهم أعداؤه.

بالنسبة لحكايات الشكوى لغوغل، فما "واو" و "ألف" ناقصين في السؤال متاعي. إلي حبيت نقولو، هو إستطراد على سؤالك لم لم يشتك أحد منا لغوغل جراء أفعال الذين تهجم على الإسلام؟ أردت أن أعرف لم لم تشتك أنت منهم؟

titof يقول...

اي هاو تسرحت من البارح نحب نكتب و منجمتش تقولش
نشالله ميقولش قرصنة
موش الغوغل الي سكرلي مدونتي انا سكرتها و كنت ناوي باش نسكرها من مؤتمر التحدي

على كل ماحصل بيني و بين بخاري

الجمعة تيتوف يتلشرجي في غناية احبائي لجوليا بطرس
اثناء العملية يتعرض البريد الالكتروني متاعو لفريسة دون ان يتطفن الا بعدما قام بلملون الى تفطني بذلك ومن هنا احي فيه سعة صدره و رحباته دمت يا صديقي
هيا بما انو تيلشارجمون يا خو وقت قلت برا نتسكع في المدونات و نشوف ردود الفعل على القصيدة الي كتبتها في هجاء هالبر يرحم البيغ في كلمة جربوعستان
خاصة و انو بعد الخماسية الي زادها المعلم و انا متيقر بالظبط
بالصدفة نلقى مدونة بخاري اعجبني ماكتبته اضفته الي بريدي الشخصي الذي يحمل اسمي الكامل
و تحدثنا قتلو كان نلقى حرقة الا منحرق
اخبرني انه يعمل بشركة ايطالية سألني اسئلت شخصية طبعا لم اخبره الحقيقة و بقيت ادور معه في حلقة مفرغة
و لكني بعد يومين فوجئت به يتهمني بقرصنته و يكشف عن هويتي في مدونته و هذا ما اعتبره اكبر اعتداء سا فر على الحرية الشخصية
و بالصدفة كان معي احد المدونين الذي قرر ان ينسحب من عالم التدوين بسبب الشلايك و النكرات الي هوايتها الاستفزاز و شتم الدين
القيت اليه بلوحة المفاتيح و بعد ان اشتد بي الغضب الى درجة تدفعني الى ارتداء حزام ناسف
طلبت منه ان يعلن المسؤولية عن القرصنة على اساس تدريع الخواطر و من بعده يتم اغلاق المدونة و الانسحاب
لكن فوجئت بسرعة رد الفعل ههههههه
نشا الله ديما هكة هيا ربي معاكم و ربي يهدينا و يهديكم

titof يقول...

بشير
اولا انا اغلقت مدونتي قبل منتطلع على تدوينة الطارق الي تكتبت بسرعة مذهلة
ثانيا و حبيت نعلق التعاليق متاعي محبتش تتعدى
و نقص من الظن
ثالثا خليتهالكم و اسعة و عريضة فتقو مواهبكم يا حماة الحضارة
اخيرا برا هز المدونة متاعي للمركز و قللهم السيد هذا يقرصن
اسمعو لولاد عنا و احد في الحومة يعمل في دروس في الاعلامية 20 دينار في الشهر حاجة لوكيس ههههههههههه
بهيلكم
اخيرا يا حكيم تونزي بلوغ شقولك في ثانيا

Tarek طارق يقول...

إسلام نعم... بالنسبة للحوار... "تيتوف" كنت أصر على الحوار معاه... و الدفاع على وجودو في الفضاء المدوناتي بمعزل عن أفكارو... حتى أني رفضت إقصاؤو مثلا عن مدونة ضد الحجب في مواجهة أطراف أخرى ربطت مشاركتها بإقصاؤو... و أصريت على الحوار حتى وقتلي أعلن نواياه للقرصنة... و وعدني بعدم القيام بذلك... إلي قام بيه نراه أيضا شخصيا خداع مباشر لي أنا... و هذية وضعية مؤلمة كي تجي من شخص دافعت على حقو في العبير بكل ما أملك...

بالمناسبة أبعثلي إيمايل في علاقة بموضوع آخر...

3amrouch يقول...

طارق
سؤلت فاجبت وبلغت فاوفيت
شكرا للتوضيح والتفسير
هكذا يكون النقاش
دائما تفحمني
لازيادة لي على قلت خاصة اذ تغلب لغة العقل والرزانة والحياد
دمت فعلا بود
واهوكه تعليق وردتيتوف

titof يقول...

طارق

(بما في ذلك "تجسسو" على شخصي أنا)
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وضحلنا طارق لانو معنديش علاش باش نتجسس عليك
وديجا احنا منحكيوش مع بعضنا برشة و عملية القرصنة تحبلها استدراج في الحديث
و حالة كلبة و كل ما انتي دكونكتي تتغير الادراس ايبي متاعك
حبيت نقول الي حكاية القرصنة اول من طلع بيها البرباش و قت اخبرتو اني قرصنة شركة
و نستنفع بالانترنات بلاش
و صارت صدفة اعتقد من خلالها اني نتجسس عليه
و على احديثو
شوف طارق انتي في الولايات المتحدة الامريكية
دونك تفهم شونة المتريال الي تستحقو عملية تجسس او تنصت
يعني ملاين الدولارات

Tarek طارق يقول...

"تيتوف"... ما حطيت شي بش ما تعلقش... بالعكس كنت ننتمنى أنك تعلق... لكن في اتجاه الاعتذار و الندم على الفعل متاعك... لكن مرة أخرى ما راعني إلا أنك مش في المستوى إلي كنت نفضل أنك ترتقيلو... بش نخلي التعليقات الأخيرة في اتجاه إبراز نقطة أساسية خاصة لمدونين ربما يتعاطفو معاك... و هي أنك مش جاهز لفهم مبادئ حياة فيها حوار... و أنك تخمرت و ماعادش فاهم الخطوط الحمرا من الخضرا... مازلت مصر على الفذلكة في موضوع ماعادش يتحمل الفذلكة و البلادة و الركاكة و التفوريخ...

عالم الصراع الفكري بما في ذلك مع ناس تكره الاسلام في ذاتو و تتصف بمواقف عنصرية هو عالم بالنسبة لي مش افتراضي فقط و مابداش البارح...

خليني نقولك و نتوجهلك بالكلام للمرة الأخيرة... بالنسبة لي إنت شخص ماعادش موجود... نتمنالك كل التوفيق في حياتك... و أي تعليق آخر من قبلك بش نعتبرو مجرد "سبام" كيف ما عملت مع ناس في الوجهة الأخرى من الضفة و إلي ما يختلفوش عليك برشة بالرغم الصراع الظاهري بيناتكم... للأسف

3lulu يقول...

الصّعلوك صار يتهجّم عليّ و يهدّد بنسف مدوّنتي, واللّه آنا خايف من حاجة برك هيّ تدنّي مستوى التّدوين

البرباش يقول...

@ تيتوف: شوف يعيّش خويا... كان لاحظت أني الحكاية هذي ما دخلتش فيها لا من قريب و لا من بعيد... رغم اللي ثمة برشا كيف شلقوا بالحكاية كانوا يستنوا مني بش ندخل و نتدخل و ندلي بدلوي... لكنّي خيّرت نبقى بعيد... لذا خلّيني بعيد يهديك

انتي تعرف أنو حكاية القرصنة اللي كنت ديمه تتبجح بيها، عمرها ما جدّت عليّ... بدليل أنّي رجعت نحكي معاك بعد ما بلوكيتك المرة الاولى ع المسنجر... و كيف بلوكيتك المرة الثانية، كانت لأسباب أخرى انتي و انا و طارق والقوفرنور و البعض م الجماعة اللي حضروا هاك الحديث متاع الرديون اللي انتي شاركت فيه يعرفوها... و اللي هي لا علاقة ليها بموضوع القرصنة، و موش لازم نعاودوا نبربشوها مرة أخرى...

و الصدفة اللي تحكي علاها... ماهيش صدفة، على خاطرها تكررت مرة و اثنين و ثلاثة و عشرة... هذاكه علاش ما تنجمش تكون صدفة

islam_ayeh يقول...

طارق
بعد إلي قلتو يوفى الحديث لذلك اقترح أن يقع تسميتك : شهبندر المدونين :-)