الجمعة، أكتوبر 19، 2007

"حل" في قضية مقر الحزب الديمقراطي التقدمي؟

فمة خبر صغير اليوم في الشروق يشير الى أن قضية مقر الحزب التقدمي الديمقراطي ربما بش تتحل... و هذا يعني أنو إضراب الجوع إلي قامو بيه الاستاذ الشابي و السيدة مية الجريبي بش يقع فكو... ملاحظة لهنا أولا على الطريقة إلي تنشر بيها خبر الشروق إلي كالعادة كان فيها وجهة نظر "مالك المحل" مهيمنة و ما ريناش تقديم لوجهة نظر الطرف لاخر... لكن من جهة أخرى فمة ملاحظة ضرورية حول خيار إضراب الجوع: و لهنا فمة مأزق لأنو من شيرة وقتلي ما فمة حتى حل و الناس تحس بأنها محاصرة فإنها تلجأ طبيعيا لأكثر الحلول يأسا.. و من شيرة أخرى فإنو الخيار هذاية كيما تجرب في الاضراب جوع هذاية يوري إلي بعض النخبة السياسية معزولة عن تفاعل الشارع... لأنو الشارع لهنا (و بالرغم أنو يعلم بوجود الاضراب و لو نسبيا من خلال بعض القنوات الفضائية) إلا أنو ما كانش عموما مهتم بالموضوع... و طبعا بعض الظروف الاستثنائية كيف الفيضانات زادت ساهمت في قلة اهتمام الناس بيه... و هذا ما خلى أنو أهم طرف مساند فعليا للإضراب بمعنى ينجم يضغط من أجل تحقيق أهدافو هي أطراف خارجية حكومية أو غير حكومية

نحب لهنا نعاود نأكد على الأطروحة إلي حاججت عليها في السابق في مقالي حول مسار الديمقراطية و أهمية الدراسة التاريخانية ليه: ما يكفيش وجود ديمقراطيين حركيين "يناضلو من أجل الديمقراطية"... فمة عامل آخر أكثر أهمية: استعداد و حاجة الناس بشكل عام في ظرفية تاريخية محددة للديمقراطية

خبر الشروق
عدد الجمعة 19 أكتوبر
الشؤون الوطنية
بتدخل من الرئاسة: نحو تسوية مشكل مقر «التقدمي»
علمنا ان السيد عبد الرحمان بوزيان صاحب المقر محل النزاع بينه وبين الحزب الديمقراطي التقدمي قد تم الاتصال به من قبل رئاسة الجمهورية حيث جرى حديث حول خلافه مع قيادة الحزب المذكور وإمكانية ايجاد تسوية ترضي الطرفين.وتفيد المعلومات ان صاحب المقرّ قد عبّر خلال هذا اللقاء عن أسفه للتوظيف والاستغلال السياسي الذي رافق قضيته الخاصة والمتمثلة في عدم احترام اصحاب جريدة «الموقف» العقد المبرم مع مسؤولها الاول الذي خالف بعض بنود العقد وحوّل المقر الى مقرّ لحزب سياسي نتج عنه حصول حالة انزعاج لدى متساكني العمارة.

5 التعليقات:

arabicca يقول...

نأمل أن يكون الحل في مستوى التدخل الرئاسي ......منصفا للحق كالعادة

Walid ben omrane يقول...

Dommage que l'information ne fait pas la une du journal Al chourouk.

3amrouch يقول...

extrait des réponses de DR.Marzouki:
م .م : بخصوص اضراب جوع الجريبي والشابي الذي انتهى الآن ، بالطبع تضامنت معه وتلفنت للمضربين ووقفت في مظاهرة المساندة ، لكنني قلت للأخ والأخت ما قلته دوما للملتجئين لهذه الوسيلة وهو أنني ضدها لسببين أولهما أن إضراب الجوع يتوجه به لضمير الخصم وقناعتي أننا أمام خصم لا ضمير له ،بن علي يخاف ولا يستحي وفي كل الأحوال لا تحركه أي مشاعر إنسانية نبيلة . والسبب الأهم أن غاندي لم يقم يوما بإضراب جوع من أجل مقر أو جواز سفر أو عمل وإنما من أجل قضايا سياسية مثل رحيل البريطانيين ووقف العنف بين الديانتين وحقوق المنبوذين , في تونس لا شيء من هذا القبيل . كثرة هذه الإضرابات في السنوات الأخيرة ذررت الاحتجاج وركزته على القضايا الشخصية وأصبحت أيضا نوعا من التهريج الإعلامي وتركت جانبا القضية الأصلية وهي ضرورة وضع حد للدكتاتورية وهذا يتطلب موقفا سياسيا وتعاملا جماعيا وخروج للشارع وخاصة عدم الوقوع في الفخ الذي يمثله أضراب الجوع التوجه إلى من يجب إجباره على الرحيل ومن ثمة تثبيته في موقع الحكم والمرجع والأمل.

تنجمشي تعطيني رايك في الموضوع.
اش قولك في الي قالو.
ماهو عندنا مثال في حركة 18 اكتوبر وين وصلو؟هاو كلاو بعضهم ولا فيها تسميع كلام وانشقاق وتكوين جمعية جديدة متاع دفاع على مساجين،ولاتش بالمنافسة هي لحكاية؟من بعد يقلك كيفاش الشعب موش متبع و عياش و ميهموش؟ما و انتي اعمل مصدقية اللروحك ومبدأ وقتها تنجم تعمل عليا.
الي قاهرني انو الناس الكل تقلك الأضراب نجح الف بالمائة والناس تهني وتبارك.....
فسرلي يا طارق راني ضعت فيها؟

Tarek طارق يقول...

عمروش بعثتلك ميساج في الأم أس أن... وصلك؟

النسر الأسود يقول...

والله يا طارق معاك في كلامك حول أهمّية العامل الموضوعي والخ...، لكن مافهمتناش آش لازمنا نعملوا في انتظار ذلك؟ نربّعوا ايدينا ونستنّاو؟ ماتراش انّ كيف تكون ثمّة نخبة مناضلة تنجّم تكسر حاجز الخوف عند الشعب وتسرّع من وتيرة عملية التغيير؟


يا عمروش:

والله ما أتعس من المعارضة اللي تتنقد فيها كان النبّارة اللي كيفك...